Blog Archives - ԵՐԵՒԱՆԻ ԴԱՎԻԹ ՍԱՐԱՊՅԱՆԻ ԱՆՎԱՆ Հ. 100 ՀԻՄՆԱԿԱՆ

#ՀՊՉ #Առողջապրելակերպ

4/30/2025

Фотография

Հետաքրքիր և բովանդակալից դաս 8-րդ Ա դասարանում։
Դասի թեման՝ Ինչպես պայքարել կախվածությունների դեմ,ում դիմել օգնության համար։
Նպատակը՝ Նպաստել կախվածությունները հաղթահարելու հմտությունների ձևավորմանը, խրախուսել
օգնության դիմելը:
Վերջնարդյունքը՝ Բացատրել, թե ինչպես խուսափել հոգեմետ նյութերից և այլ կախվածություններից:
Թեման շատ արդիական և միևնույն ժամանակ շատ կարևոր էր դեռահասության տարիքում գտնվող աշակերտների համար։
Խմբակավար՝ Լուսինե Բեջանյան
նկարները տես ․․․

Թեյախմություն

4/30/2025

Фотография

Հետաքրքիր նախագծային աշխատանք 8-րդ բ դասարանի աշակերտների կողմից, որոնք ներկայացրին թեյախմության ավանդութները Ռուսաստանում և Անգլիայում։ Աշակերտները անգլերեն և ռուսերեն ներկայացրին թեյի ծագումը, տեսակները և օգտագործումը։
Նախագծի ղեկավարներ՝ Կ․ Բագրատյան, Ռ․ Պապյան
նկարները տես․․․

First Aid

4/30/2025

Фотография

Անգլերենի ուսուցչուհի Գ.Մելտոնյանը 5-րդ «ա» դասարանում անցկացրեց հետաքրքիր և օգտակար դաս «First Aid» թեմայով՝ դպրոցի բուժքրոջ մասնակցությամբ։ Սովորողները ծանոթացան հիմնական առաջին օգնության քայլերին՝ ինչպես վարվել վերքերի, այրվածքների կամ ուշագնացության դեպքում։ Դասը շատ ինտերակտիվ էր, երեխաները ակտիվորեն մասնակցեցին քննարկումներին և փորձեցին գործնական հնարքներ։ Այսպիսի դասերը մեծացնում են նրանց պատասխանատվության զգացումը և պատրաստակամությունը՝ օգնություն ցուցաբերելու դժվար պահին։
նկարները տես...

Գարուն

4/27/2025

Фотография

Տեղի ունեցավ 3-րդ ա դասարանի Գարուն խորագրով ցերեկույթը։
Դասվար՝ Դ․ Ճարատանյան։
Վ.Տերյան-Գարուն
Գարունը այնքա՛ն ծաղիկ է վառել,
Գարունը այնպե՛ս պայծառ է կրկին.
— Ուզում եմ մեկին քնքշորեն սիրել,
Ուզում եմ անուշ փայփայել մեկին։
Այնպե՛ս գգվող է երեկոն անափ,
Ծաղիկներն այնպես նազով են փակվում.
— Շուրջըս վառված է մի անուշ տագնապ,
Մի նոր հուզում է սիրտըս մրրկում...
Անտես զանգերի կարկաչն եմ լսում,
Ւմ բացված սրտում հնչում է մի երգ.
—Կարծես թե մեկը ինձ է երազում,
Կարծես կանչում է ինձ մի քնքուշ ձեռք...

«Ամեն օր ապրիր այնպես, որ քո քաղաքը, քո երկիրը, քո տունը դառնան ավելի լավ տեղ ապրելու համար։»

4/26/2025

Սիրելի՛ բարեկամներ,
Շնորհավորում ենք Քաղաքացու օրվա կապակցությամբ։
Այս օրը նվիրված է մեզանից յուրաքանչյուրին՝ մեր լավ գործերին, մեր հոգատարությանը, մեր բարությանն ու մեր ազնվությանը։
Քաղաքացի լինելը պարզապես իրավունքներ ունենալ չէ, այլ նաև հոգ տանել իր համայնքի, իր շրջապատի և իր երկրի հանդեպ։
Եղեք սրտացավ, ստեղծարար և ընկերասեր։ Ձեր լույսով լուսավորեք ձեզ շրջապատող աշխարհը։
Թող ամեն օրվա ձեր ջանքերը բերեն բարություն, սեր և առաջընթաց։
Շնորհավոր տոնդ, սիրելի՛ քաղաքացի։

«Մեծ Եղեռն. մեր պատմության ամենացավալի էջ

4/24/2025

Фотография

«Մեծ Եղեռն. մեր պատմության ամենացավալի էջն է, երբ սրախողխող արվեցին մեր պապերի երազանքները, բայց չջնջվեց մեր ոգին։ Մենք այսօր խոնարհվում ենք նահատակված միլիոնավոր անմեղ հոգիների հիշատակի առաջ ու աղոթում նրանց խաղաղության համար։ Թող մեր սերունդները երբեք չապրեն նման ցավ։ Սիրելի՛ երեխաներ, ճանաչեք ձեր պատմությունը, պահեք ձեր ինքնությունը, ու եղեք խաղաղության ջահակիրներ՝ արդարության ճանապարհին։»

#Մանկավարժական մտքի փառատոնՏավուշ 2025

4/24/2025

Фотография

Դավիթ Սարապյանի անվան հ. 100 հիմն. դպրոցի տնօրենը և ուսուցիչները մասնակցեցին Մանկավարժական մտքի փառատոնին և ներկայացրեցին 《Ո՞վ եմ ես》 հետազոտական աշխատանքի արդյունքներն ու սովորողնորի աշխատանքները: Փառատոնի մասնակիցները բացահայտեցին իրենց ինքնությունը և փորձեցին գուշակել հայ հայտնիներին ըստ իրենց արտահայտած մտքերի։

#Մշակութայինտարի #Ավետիքիսահակյան150 #ԿԳՄՍՆ #Երևանիքաղաքապետարանիհանրակրթությանբաժին

4/24/2025

Фотография

Ավետիք Իսահակյանը մեր ժողովրդի մաքուր զգացմունքների թարգմանն է, նրա հավերժական խոհերի արտահայտիչը և միաժամանակ նրա ազգային հպարտությունն ու պարծանքը։ Ստեփան Զորյան Մշակութային տարվա և Ավետիք Իսահակյանի 150 ամյակին նվիրված միջոցառումների շրջանակներում այս անգամ մեր մշակութային կանգառը Իսահակյանի բեղուն կենսագրության և փառահեղ գրականության եզերքում էր։ 8-րդ«ա» և դպրոցի մի շարք դասարանների աշակերտները ներկայացրին մի գողտրիկ ցերեկույթ, որտեղ փաստեցին, որ Ավետիք Իսահակյանը մի վիթխարի կաղնի է հայ գրականության մեջ՝ ամուր կապված ակունքին, մի համարձակ հայրենանվեր անհատ՝ ազգային գաղափարներով զինված, մարդ, որ ոչնչի առջև չի կանգնել հանուն հայ ժողովրդի արդար հատուցման։ Իսահակյանն ասել է. «Մարդ չպիտի մտածի այս աշխարհից մի բան տանելու մասին, այլ այս աշխարհում մի բան թողնելու մասին, մնացածը ունայնություն է։ Կազմակերպիչ՝ ՄԿԱ գծով տնօրենի տեղակալ Թ. Մկրտչյան։

Մասնագիտական աշխատաժողով

4/24/2025

Фотография

Թեմա` Թվային փոփոխություններ և դրանց որակի չափանիշներ։

#ՄերդպրոցըeTwinning դպրոց 2025֊2026

4/24/2025

Фотография

Ուրախ ենք տեղեկացնել, որ մեր դպրոցը պաշտոնապես ստացել է eTwinning School կարգավիճակը 2025-2026 ուսումնական տարվա համար:
Այս մեծագույն ձեռքբերումը վկայում է մեր դպրոցի նվիրվածությունը համագործակցային կրթության, նորարարական դասավանդման մեթոդների և ազգային արժեքների տարածման գործում:
Մեր դպրոցը կունենա առավել լայն հնարավորություն համագործակցելու եվրոպական դպրոցների հետ, փոխանակվել փորձով և մշակել համատեղ նախագծեր:
Դպրոցի ուսուցիչներն ու աշակերտները ներգրավված կլինեն նորարար մեթոդներով մշակված նախագծերում, որոնք նպաստում են թվային հմտությունների զարգացմանը: Ուսուցիչները կկարողանան մասնակցել որակյալ վերապատրաստումների, աշխատաժողովների և փորձի փոխանակման հանդիպումների:
eTwinning ծրագրերը կխթանեն աշակերտների քննադատական մտածողության, համագործակցության և հաղորդակցման հմտությունները միջազգային միջավայրում:
Սա մեծ քայլ է մեր դպրոցի զարգացման համար, և մենք պատրաստ ենք նորանոր հաջողությունների eTwinning-ի շրջանակներում:
#eTwinningSchool #Cooperation #Innovation #EuropeanEducation