All Categories - ԵՐԵՒԱՆԻ ԴԱՎԻԹ ՍԱՐԱՊՅԱՆԻ ԱՆՎԱՆ Հ. 100 ՀԻՄՆԱԿԱՆ

Նախագծային աշխատանք 8֊րդ Ա դասարանում

5/24/2025

Фотография

Մաթեմատիկայի ուսուցչուհի Մ. Սարգսյանը և կերպարվեստի ուսուցչուհի Ս.Գալստյանը 8֊ րդ Ա դասարանի աշակերտների հետ նախագծային աշխատանքի միջոցով փորձեցին բացահայտել «Երկրաչափական պատկերները հայկական զարդանախշերում», որի ընթացքում աշակերտներն ուսումնասիրել էին և ներկայացրին գորգերի և խաչքարերի տեսակները, նկատեցին զարդանախշերում երկրաչափական պատկերները և մեկնաբանեցին դրանց խորհուրդն ու նշանակությունը։
💜 Նախագծային աշխատանքի վերջնարդյունք հանդիսացավ աշակերտների ձեռքով գործած հայկական զարդանախշերով էջանշանները, խաչքարերը:
նկարները տես...

Տնօրեն Ա․ Աբելյանի շնորհավորական խոսքը 9 Ա և 9 Բ դասարանների աշակերտներին

5/22/2025

Фотография

📜Սիրելի՛ 9Ա և 9Բ դասարանի շրջանավարտներ,
Այսօր ձեր կյանքի կարևոր հանգրվաններից մեկն է՝ դուք հրաժեշտ եք տալիս մի շրջանի, որը լի էր մանկական անկեղծությամբ, ընկերությամբ, ձեռքբերումներով և աճով։ Յուրաքանչյուրդ այսօր մի փոքր ավելի հասուն, մի փոքր ավելի ինքնուրույն ու պատրաստ եք դիմավորելու կյանքի նոր փորձություններն ու հնարավորությունները։
Դպրոցը եղել է ձեր երկրորդ տունը՝ այնտեղ, որտեղ ծիծաղեցիք, սովորեցիք, հաղթեցիք ու երբեմն էլ սխալվեցիք։ Այժմ դուք սկսում եք նոր ճանապարհ, բայց հավատացե՛ք՝ այս տարիների հիշողությունները միշտ ձեր սրտում կլինեն, իսկ մեր սրտերում՝ դուք։
Ես հպարտությամբ կարող եմ ասել՝ դուք կերտել եք ձեր դպրոցի պատիվն ու արժանապատվությունը։ Ցանկանում եմ ձեզ ամենաջերմ մաղթանքները՝ առողջություն, ուժ, նպատակասլացություն և անսահման վստահություն ձեր կարողությունների նկատմամբ։
Թո՛ղ ձեր բոլոր երազանքները ունենան իրենց ժամանակը։ Թո՛ղ կյանքի ճանապարհը միշտ լուսավորվի ձեր ներքին լույսով ու գիտելիքի ջերմությամբ։
Սիրով ու հավատով՝
Դպրոցի տնօրեն՝ Ա․ Աբելյան։

Նախագծային աշխատանքների միջհամայնքային փառատոն

5/21/2025

Фотография

Այսօր Երևանի Ալ. Բլոկի անվան հ. 22 հիմնական դպրոցում կայացավ նախագծային աշխատանքների միջհամայնքային փառատոնը, որից անմասն չմնաց նաև մեր դպրոցը՝ ուստարվա ընթացքում կատարած ուսումնական նախագծերից ստացված տարբեր նյութական և ոչ նյութական պրոդուկտների ցուցադրմամբ, միջդպրոցական փորձի փոխանակմամբ։
Նկարները տես...

Շախմատային մտքերի խաղ 2-րդ Ա դասարանում

5/20/2025

Фотография

♟️👑Այսօր 2-րդ Ա դասարանի փոքրիկները հայտնվեցին մի իրական «մատից դուրս» աշխարհում, որտեղ թագավորները շարժվում են ռազմավարությամբ, ձիերը թռնում են տրամաբանությամբ, իսկ աշակերտները՝ հաղթում են խելքով։

📚 Շախմատի միջոցառումը դարձել էր մի բեմ, որտեղ երեխաները ոչ միայն խաղացին, այլև պատմեցին խաղի պատմությունից, ներկայացրին խաղաթղթի գաղտնիքները, շախմատային կոմբինացիաները և ուրախությամբ կիսվեցին իրենց ձեռքբերումներով։
Այն դարձավ մտածողության, լռակյաց հաղթանակների ու ընկերության տոն, որտեղ հաղթանակը միայն խաղատախտակի վրա չէր՝ այն երեխաների սրտերում էր։
👏 Շնորհակալություն բոլոր ուսուցիչներին ու ծնողներին՝ աջակցության և ոգևորության համար։
Մաղթում ենք 2-րդ Ա դասարանի հրաշք փոքրիկներին հաջողություններ ու հաղթանակներ՝ շախմատային և ոչ միայն։ 🏆♟️💫

#Շախմատ
#2ԱԴասարան
#ԽելացիՈւԽաղով
#ՄտքերիՊայքար
#ՄերՓոքրիկՄեծերը
նկարները տես․․․

Տառերը թագադրվեցին

5/19/2025

Фотография

👑📚Այսօր 1-ին Բ դասարանի փոքրիկները կատարեցին իրենց առաջին մեծ քայլը՝ գիտելիքի աշխարհում։ «Տառերի թագադրում» խորագրով միջոցառումը դարձավ խորհրդանշական պահ՝ ուր երեխաները հայտարարեցին․ «Մենք արդեն կարդալ ու գրել գիտենք»։

Տոնական միջավայրում երեխաները ներկայացան երգերով, ասմունքով ու խաղերով՝ ցույց տալով իրենց անցած ուղին՝ առաջին այբուբենից մինչև ընթերցանություն։
Տառերը թագադրվեցին, իսկ մեր փոքրիկներն՝ իրենց ջերմ խոսքերով ու վստահ ելույթներով՝ դարձան իրենց դասարանի իսկական արքայազններն ու արքայուհիները։
Միջոցառումը լի էր ուրախությամբ, հպարտությամբ և տոնական տրամադրությամբ։
🎉 Շնորհավորում ենք առաջին հաջողությունը՝ թող սա լինի նորանոր գիտելիքների և մեծ հաղթանակների սկիզբ։
#ՏառերիԹագադրում
#1բԴասարան
#ՄենքԱրդենԿարդումԵնք
#ՄանկությանՈւրախՄիջոցառումներ
#ԴպրոցայինՏոն
Նկարները տես...

Ուսումնական այց դեպի Գառնու սեյսմիկ կայան

5/18/2025

Фотография

🌍🔬 Ուսումնական այց դեպի Գառնու սեյսմիկ կայան
Այսօր մեր 7-բ դասարանի սովորողները այցելեցին Գառնու սեյսմիկ դիտակայան, որտեղ բացահայտեցին երկրաշարժերի դիտարկման ու կանխատեսման կարևոր աշխատանքները։
Աշակերտներն անձամբ ծանոթացան սարքավորումներին, հարցեր ուղղեցին մասնագետներին և մեծ տպավորությամբ վերադարձան՝ հարստացած նոր գիտելիքներով։
Այս այցելությունը դարձավ ոչ միայն ուսուցողական, այլև ոգեշնչող՝ վկայելով, որ գիտությունը կենդանի է, հետաքրքիր ու հասանելի՝ երբ բաց ենք սովորելու համար։
📸 Տպավորիչ այց, որը գուցե ոմանց համար դառնա ապագա մասնագիտության առաջին կայանը…
#ԳիտությունԴպրոցում
#ՍեյսմիկԿայան
#7բԴասարան
#ՈւսումնականԱյց
#ԲացահայտումԵրկրաշարժերիՄասին
նկարները տես․․․

Մեր հանդիպումը Գյումրիի հոգով

5/18/2025

Фотография

✨ Մեր հանդիպումը Գյումրիի հոգով

7-րդ Ա դասարանի համար Գյումրու այցելությունը դարձավ ոչ միայն ճանաչողական, այլև հոգևոր ճանապարհորդություն։
Հին փողոցներով քայլելով՝ երեխաները շնչեցին քաղաքի ավանդույթն ու մշակույթը, լսեցին տների պատմությունները, այցելեցին թանգարաններ ու կանգ առան աղետից հետո վերածնված քաղաքի ուժի առաջ։

Աշակերտները չմոռացան նաև 1988 թվականի երկրաշարժը. այցելեցին հուշարձաններ, լռությամբ հարգեցին հիշատակը։
Գյումրին մնաց մեր սրտերում՝ իր ժպտացող մարդկանց, արվեստով ներծծված պատերով ու ճակատագրով ապրող ուժեղ հոգով։
🚌 Այս այցը դարձավ մի դաս՝ մարդկության, դիմացկունության ու մշակույթի մասին։
#Գյումրի
#ՈւսումնականԱյց
#7ԱԴասարան
#ՀայկականՔաղաքներ
#ՀիշողությունԵվՈւժ
#ԿրթությունըՃամփորդությանՄեջ
նկարները տես․․․

Բուտերբրոդների պատրաստումը 3 - րդ Ա դասարանում

5/16/2025

Фотография

3֊րդ Ա դասարարի սաները տեխնոլոգիայի դասին ոչ միայն պատրաստեցին բուտերբրոդներ, այլ վերածեցին սովորական նախաճաշը ստեղծագործության տոնի։ Ամեն բուտերբրոդ դարձավ երևակայության և ճաշակի յուրահատուկ համադրություն՝ արտահայտելով անձնական ոճ ու մտածողություն։ Այս փորձը ոչ միայն խոհարարական հմտությունների զարգացում էր, այլև համագործակցության, գեղեցիկը տեսնելու և ստեղծագործ մոտեցման կարևորության ընդգծում։
Ուսուցիչ` Դ. Ճարատանյան.
Նկարները տես...

Հրաժեշտի ղողանջներ 4-րդ Բ դասարանում

5/15/2025

Фотография

🎓📚 Այսօր մեր սիրելի 4-բ դասարանում հնչեցին հրաժեշտի հույզերով լեցուն վերջին զանգերն ու մանկության տարիների տաք շունչը։ «Հրաժեշտի ղողանջներ» խորագրով միջոցառումը դարձավ ոչ միայն շնորհակալության օր, այլև հիշողությունների՝ երանգներով լեցուն ճանապարհ։
4֊րդ Բ դասարանի աշակերտները վստահ են՝ այսօր բարություն է պետք աշխարհին, իսկ հայն այդ հատկանիշի կրողն է։ Աշակերտները խոստովանեցին, որ ոչ միայն ձեռք բերեցին գիտելիքներ, ընկերներ, այլև ստացան թևեր դեպի իրենց երազանքները։
Նրանք հանդես եկան պարերով, ասմունքով ու անկեղծ խոսքերով՝ իրենց ուսուցչուհուն, ծնողներին և միմյանց ուղղված։ Բոլոր ներկաները զգացին դահլիճում տիրող ջերմությունը։
Շնորհակալություն բոլորին՝ այս տոնական և հուզիչ օրը միասին կերտելու համար։
Մեր 4-րդ Բ-ի ճանապարհը դեռ նոր է սկսվում… 🌟
Դասվար՝ Գ. Ալեքսանյան
#ՀրաժեշտիՀողանջներ
#4բԴասարան
#ԱվարտականՀանդես
#ՇնորհակալությունՈւսուցիչներին
#ՄանկությունիցԴեպիԵրազանք
նկարները տես․․․

Դեպի երազանք, դեպի գույների աշխարհ

5/14/2025

Фотография

📚✨ Կայացավ 4-րդ Ա դասարանի ավարտական հանդեսը ✨🌈
«Դեպի երազանք, դեպի գույների աշխարհ» խորագրով մեր չորսամյա ուղու վերջին կանգառն էր լի գույներով, հույզերով, երգով ու ժպիտով։

Այսօր մեր փոքրիկ մեծերը՝ արդեն մի քայլով մոտ ապագա երազանքներին, ներկայացան գունեղ կատարումներով, ներկայացրին ուսուցման տարիների վառ հիշողությունները և հոգուց եկող շնորհակալությունն իրենց ուսուցիչներին։
Շնորհակալություն ենք հայտնում բոլոր դասվարներին, ծնողներին ու դպրոցի աշխատակազմին՝ տոնական տրամադրության, սիրո ու աջակցության համար։
🎨 Երազանքների ճանապարհն արդեն սկսվել է… Դասվար՝ Ե․ Ջիլավյան

#ԴեպիԵրազանք
#ԳույներիԱշխարհ
#4րդԴասարան
#ԱվարտականՀանդես
#ՄերՓոքրիկՄեծերը
նկարները տես․․․