All Categories - ԵՐԵՒԱՆԻ ԴԱՎԻԹ ՍԱՐԱՊՅԱՆԻ ԱՆՎԱՆ Հ. 100 ՀԻՄՆԱԿԱՆ

Այբբենարան 1-ին Ա դասարան

5/6/2025

Фотография

Այսօր մեր 1-ին Ա դասարանցիների համար մի շատ կարևոր և հուզիչ օր էր։ Նրանք Այբուբեն օդանավով թռիչք կատարեցին դեպի գիտելիքի ցարմանահրաշ աշխարհ։Նրանք ջանադրությամբ ներկայացրին տառերի իրենց ընկերներին՝ երգեցին, արտասանեցին, կարդացին ու ապացուցեցին, որ արդեն քայլում են գրագիտության ուղիով։ 📖

Շնորհավորում ենք բոլոր երեխաներին, նրանց ծնողներին ու ուսուցիչներին այս կարևոր ու հիշարժան պահի կապակցությամբ։ Թող այբբենարանը լինի առաջին գիրքը մեծ սիրով կարդալու ճանապարհին։ 💙

Դասղեկ՝ Ն . Բաբայան
նկարները տես․․․

Азбука нас в мир волшебный зовёт…

5/4/2025

Фотография

Այսօր 2-րդ Ա դասարանի մեր փոքրիկները նոր քայլ կատարեցին իրենց կրթական ճանապարհին։ Տեղի ունեցավ ռուսաց լեզվի տառաճանաչությանը նվիրված միջոցառումը, ուր երեխաները մեծ ոգևորությամբ ներկայացրին իրենց ձեռք բերած գիտելիքները՝ երգերով, արտասանություններով ու խաղերով։

Այս օրը նշանավոր է նրանով, որ երեխաները ոչ միայն սովորել են ռուսերեն այբուբենը, այլ նաև սիրել են կարդալն ու խոսքը։ Տառերն այլևս միայն նշաններ չեն․ դրանք դարձան կամուրջ դեպի գրքեր, պատմություններ ու աշխարհաճանաչում։
Շնորհակալություն Ռ․ Պապյանին, Ն․ Ղահրամանյանին ու ծնողներին՝ այս գեղեցիկ ուղու աջակցության համար։ Թող տառերը միշտ լինեն լույսի ու իմացության դուռ։ 🌟
Նկարները տես․․․

#Համապետական շաբաթօրյակ

5/3/2025

Фотография

Այսօր Դ.Սարապյանի անվան հ.100 հիմնական դպրոցը ակտիվորեն մասնակցեց համապետական շաբաթօրյակին՝ նվիրված շրջակա միջավայրի մաքրվելու և բարեկարգվելու հիմնարար նպատակին։
նկարները տես...

Շախմատային մտքերի խաղ 2-րդ Ա-ում

5/3/2025

ԳՈՐԾՆԱԿԱՆ ԱՇԽԱՏԱՆՔ 5֊ՐԴ Բ ԴԱՍԱՐԱՆՈՒՄ

5/2/2025

Սերմի ծլարձակման համար անհրաժեշտ պայմանների ուսումնասիրություն։
Նկարները տես...

Фотография

2015 -2025

5/1/2025

Մայիսի 1 – Աշխատանքի միջազգային օր

5/1/2025

Фотография

«Աշխատանքը մարդու արժանապատվության մի մասն է։ Երբ այն արժևորված է, զարգանում է և՛ մարդը, և՛ հասարակությունը»։
Մայիսի 1-ը նշվում է որպես Աշխատանքի և աշխատավորների միջազգային օր։ Այն ունի պատմական և սոցիալական նշանակություն աշխարհի շատ երկրներում, այդ թվում՝ Հայաստանում։
Այս օրը հիշեցնում է

Աշխատավորի արժանապատվության և իրավունքների մասին,
Աշխատանքի անվտանգության և արդար վարձատրության կարևորության մասին,
Հավասար հնարավորությունների և սոցիալական արդարության արժեքի մասին։

Արդյունավետ փորձ համախոհների հետ #eTwinning #CivicEducation

5/1/2025

Фотография

Ապրիլի 25-27-ը Աղվերանում տեղի ունեցավ «Իթվինինգ» ծրագրի մասնակից ուսուցիչների աշխատանքային խորհրդակցություն։ Եռօրյա աշխատաժողովին ներկա էր տնօրեն Ա. Աբելյանը, և ուսուցիչներ Գ. Մելտոնյանը և Դ. Ճարատանյանը: Աշխատաժողովի ընթացքում ներկայացվեց հաջողված նախագիծ, որն էլ իրականացվելու է «Իթվինինգ» ծրագրի շրջանակներում։ Օրակարգային էր նաև 21-րդ դարի ամենապահանջված՝ արհեստական բանականությունը կրթության մեջ թեման։ Քննարկվող մյուս առանցքային թեմաներն էին՝ «ժողովրդավարական մտածելակերպի ձևավորում աշակերտների մոտ», «Քաղաքացիական կրթությունը՝ որպես ներառական հասարակության հիմք», «Քննադատական մտածողություն․ թվային բարեկեցություն» և այլն։
Տնօրեն Ա․ Աբելյանը և ուսուցիչներ Դ․ Ճարատանյանն ու Գ․ Մելտոնյանը ստացան հավաստագրեր։
նկարները տես․․․

#ՀՊՉ #Առողջապրելակերպ

4/30/2025

Фотография

Հետաքրքիր և բովանդակալից դաս 8-րդ Ա դասարանում։
Դասի թեման՝ Ինչպես պայքարել կախվածությունների դեմ,ում դիմել օգնության համար։
Նպատակը՝ Նպաստել կախվածությունները հաղթահարելու հմտությունների ձևավորմանը, խրախուսել
օգնության դիմելը:
Վերջնարդյունքը՝ Բացատրել, թե ինչպես խուսափել հոգեմետ նյութերից և այլ կախվածություններից:
Թեման շատ արդիական և միևնույն ժամանակ շատ կարևոր էր դեռահասության տարիքում գտնվող աշակերտների համար։
Խմբակավար՝ Լուսինե Բեջանյան
նկարները տես ․․․

Թեյախմություն

4/30/2025

Фотография

Հետաքրքիր նախագծային աշխատանք 8-րդ բ դասարանի աշակերտների կողմից, որոնք ներկայացրին թեյախմության ավանդութները Ռուսաստանում և Անգլիայում։ Աշակերտները անգլերեն և ռուսերեն ներկայացրին թեյի ծագումը, տեսակները և օգտագործումը։
Նախագծի ղեկավարներ՝ Կ․ Բագրատյան, Ռ․ Պապյան
նկարները տես․․․