 Հոկտեմբերի 10-ին, Երևանի համար 100 դպրոցում առաջին անգամ առանձնահատուկ ձևով նշվեց «Հոգեկան առողջության միջազգային օրը»: Տոնի բովանդակությանը համահունչ դպրոցի տնօրենությունը և հոգեբանամանկավարժական աջակցության թիմը միջոցառումների համալիր ծրագիր էր նախապատրաստել:
Իրազեկում՝ բուկլետներ և թռուցիկներ ծնողներին և մասնագետներին, թեմատիկ ստենդ դպրոցի նախասրահում: Դասամիջոցների՝ հատուկ ընտրված դասական երաժշտությամբ ձևավորում: Հեքիաթաթերապիա՝ 2-րդ դասարանի աշակերտների հետ: Համագործակային կարողությունների զարգացման «Ափեր» վարժություն՝ 6-րդ դասարանի աշակերտների հետ: Ինքնաճանաչման և ինքնազարգացման վարժություն «Հատկությունների տոնավաճառ»՝ 8-րդ դասարանի աշակերտների հետ: Հանդուրժողականության զարգացման վարժություն՝ ծնողական խորհուրդների նախագահների հետ: Էմպաթիայի, հանդուրժողականության և ռեֆլեքսիայի մարզման վարժություններ՝ մանկավարժների հետ: Մեր շնորհակալությունն ենք հայտնում միջոցառումների բոլոր մասնակիցներին և մաղթում պահպանել և զարգացնել առողջ հոգեբանական մթնոլորտը: նկարները տես...>>>  Իններորդ դասարանում բարդ նախադասության ուսուցման ընթացքում կարևորվում է գծակարգի դերը՝ որպես ուսուցման եղանակ:
Այն ավելի հասկանալի է դարձնում ինչպես նախադասության կառուցվածքը, այնպես էլ նախադասությունների միջև եղած հարաբերությունները : Այսօր 9 բ դասարանում <<Բարդ համադասական նախադասության>> ուսուցումն էր գծակարգի միջոցով: Ուսուցչուհի Ա. Աբելյանը բարդ նախադասության գծակարգը բացատրելուց առաջ հիշեցրեց անցած նյութը, վերհիշեցին համադասական և ստորադասական շաղկապները: Ամրապնդվեցին կապակցման եղանակները՝ շաղկապային և շարահարությամբ: Նկարները տես...>>>   Այսօր խորին ակնածանքով ու հարգանքով հանրապետությունում նշվում է ուսուցչի օրը: Այն ևս մեկ առիթ է `գնահատելու և բարեմաղթանքի խոսք ասելու այն ուսուցիչներին, ովքեր իրենց նվիրական ու անբասիր նկարագրով սիրված են բոլորիս կողմից:
Ուսուցիչն է, որ իր վեհ առաքելությանը հավատարիմ, բազում սերունդներ է կրթում ու դաստիարակում: Անգնահատելի է ուսուցչի բեղմնավոր աշխատանքը: Նա եղել և մնում է հայեցի կրթության և դաստիարակության ջահակիրը: Մեր ձայնը միացնելով շնորհավորանքի բազում մաղթանքների` ասում ենք. - Շնորհավոր տոնդ, ուսուցիչ: Դուք Ձեր իմաստությամբ, համբերատարությամբ ու սիրով ամեն օր բացահայտում եք քաջության, բարու, գեղեցիկի ու լավի խորհուրդը: Մաղթում ենք Ձեզ տոկունություն, առողջություն ու գեղեցկություն: Թող անխափան լինի Ձեր երթը պատմության քառուղիներում...  ՍԻՐՈՎ ՀՐԱՎԻՐՈՒՄ ԵՆՔ
Հոկտեմբերի 5 - ին ժամը 13:00 - ին հրավիրում ենք Երևանի հ. 100 հիմնական դպրոցի հանդիսությունների դահլիճ, որտեղ տեղի կունենա միջոցառում - համերգ՝ նվիրված Ուսուցչի օրվան : Դպրոցի ԱԽ  4- րդ բ դասարանում (դասվար Հ. Վարդանյան) տեղի ունեցավ բաց դաս նվիրված ՀՀ պետական խորհրդանշաններին: Դասը հագեցած էր դիդակտիկ նյութերով ու պաստառներով: Դասը սկսվեց ՀՀ օրհներգի կատարմամբ, այնուհետև անցկացվեց մտագրոհ վարժությունը «Նշան» բառի շուրջ: Ուսուցիչը փոքրիկ դասախոսությամբ ներկայացրեց խորհրդանշան բառի իմաստը: Աշակերտական խմբերին հանձնարարվեց պատկերել Հայաստանի զինանշանը՝ դրանում արտացոլելով իրենց վերաբերմունքը հայրենիքի նկատմամբ: Յուրաքանչուր խումբ մեկ րոպեի ընթացքում ներկայացրեց իր աշխատանքը: Դասը ամփոփելու համար ուսուցիչը աշակերտներին առաջարկեց զինանշանի մի պատկեր, որում պետք է գտնեին սխալները: Աշակերտները ակտիվորեն մասնակցեցին վարժության կատարմանը: Տնօրեն Անուշ Աբելյանը նշեց, որ նմանօրինակ դասերի շնորհիվ է, որ մեր երիտասարդությունը կարողանում է նորովի ներկայացնել մեր պետական խորհրդանշանները, ակնածանք ու խորը հարգանք ձևավորում հայկական պետական կարևորագույն խորհրդանշանների նկատմամբ:
նկարները տես...>>> |
AuthorWrite something about yourself. No need to be fancy, just an overview. Archives
Июнь 2018
Categories |
RSS-канал
