ԵՐԵՒԱՆԻ ԴԱՎԻԹ ՍԱՐԱՊՅԱՆԻ ԱՆՎԱՆ Հ. 100 ՀԻՄՆԱԿԱՆ - Էլեկտրոնային ամսագիր 2013 - 2014

Շրջանավարտները ստացան ավարտական վկայականները

Wed, 02 Jul 2014 02:53:21 GMT

Երևանի քաղաքապետարանի ենթակայության հիմնական և միջնակարգ դպրոցներում ու կրթահամալիրներում հուլիսի 1-ը ավարտական վկայականների հանձնման միասնական օրն էր։ Մեր դպրոցի հրաշք աշակերտները ստացան իրենց հիմնական կրթության վկայականները, որը հանձնվեց ուրախ, բարի, անկեղծ մթնոլորտում: Տնօրեն Ա. Օհանյանը ընդգծեց, որ շատ է կարևորում այս օրը մեր բալիկների համար:
Նկարները տես...>>>

Երեխաները հանձնեցին հայոց լեզվի քննությունը

Wed, 04 Jun 2014 05:05:57 GMT

նկարները տես...>>>

Երեխաները մեր ապագան են

Fri, 30 May 2014 14:14:02 GMT

Երեխաները մեր ապագան են:
Նրանք պետք է իրենց միշտ պաշտպանված և երջանիկ զգան: Երեխաները ապրում են իրենց հեքիաթային մանկության մոլորակում, որտեղ միշտ պետք է թևածի սերն ու երջանկությունը: Շնորհավոր Ձեր պայծառ ու գեղեցիկ այս տոնը, սիրելի երեխաներ, թող որ ձեր յուրաքանչյուր օրը լինի բազմազան ու գունագեղ, գորովանքով ու քնքշանքով լի, մաղթում ենք, որ մանկության Ձեր մոլորակում անկեղծ ժպիտն ու սերը հարատևեն :
նկարները տես...>>>

Դպրոցին, դպրոցական կյանքին, դպրոցում տեղի ունեցող ուսումնադաստիարակչական աշխատանքին, ուսուցիչ - աշակերտ, ուսուցիչ - ծնող հարաբերություններին մեր դպրոցի մանկավարժները նայում են մայրիկի տեսանկյունից:
Յուրաքանչյուր ծնող դպրոցին վստահում է իր ամենասիրելի էակին, մենք մանկավարժներս պարտավոր ենք դա հիշելու: Դպրոցի տնօրենը պատասխանատու է ամեն մի երեխայի ճակատագրի, անվտագության, առաջադիմության, կրթության ոլորտում հաջողությունների համար: Եվ այսօր մենք տոնում ենք նրանց պաշտպանության օրը , ամփոփելով մեր ուսումնական տարվա ընթացքում կատարած աշխատանքները:
ա. Կենգուրուի ամփոփում
բ. Գովասանագրերի հանձնում
գ. Նկարչական մրցույթին հաղթողների պարգևատրում
դ. Կավճանկարչության մրցույթի կազմակերպում և ամփոփում:
Երեխաների համար ելույթ ունեցան <<Վանք>> պարային համույթի սաները, մեր դպրոցի նախկին սան էդգար Դանիելյանի ղեկավարությամբ:
Շնորհավոր Ձեր տոնը, սիրելի փոքրիկներ: Մաղթում եմ բոլորիս գտնել և պահպանել մեր մեջ ապրող երեխային,փայփայել ու երջանկացնել բոլոր երեխաներին, որքանով որ կարող ենք:

Վերջին դասի տեսագրությունները

Sun, 25 May 2014 05:40:03 GMT

Մեր սիրելի Էդգարը

Sat, 24 May 2014 07:39:42 GMT

Հանրապետական օլիմպիադայի հաղթողներից մեր սիրելի Էդգարը Կառավարության նիստերի դահլիճում:

Այսօր մենք հրաժեշտ տվեցինք մեր սիրելի 9 ա դասարանին

Fri, 23 May 2014 14:24:01 GMT

Սիրելի´ շրջանավարտներ,
Ջերմորեն շնորհավորում ենք Վերջին զանգի կապակցությամբ: Այսօր կարևոր ու անմոռանալի օր է ձեզ և ձեր ծնողների համար:
Մեծ կյանքն իր դռերն է բացում ձեր առաջ, անցե՛ք ձեր կյանքի ճանապարհը պատասխանատվությամբ, հայրենիքի նկատմամբ սիրով ու հավատով, ու թող հաջողությունը փարոս դարձած ձեր մշտական ուղեկիցը լինի, իսկ սերն ու երջանկությունը թևածեն ձեր սրտերում:
Ինչ բարձունքների հասած էլ լինեք, չմոռանաք, որ այդ ձեռքբերումների համար առաջին հերթին պարտական եք ձեր ուսուցիչներին:
Գեղեցիկ ու ջերմ այս օրվա առթիվ շնորհավորում ենք նաև շրջանավարտների ծնողներին: Աստած տա իրենց զավակների հետ կապված նպատակներն ու իղձերն իրականություն դառնան:
նկարները տես...>>>

Անսովոր երկրի գաղտնիքը

Thu, 22 May 2014 17:13:13 GMT

3 - րդ դասարանում կրկին տոնական տրամադրություն է:
Այս անգամ ցուցադրում էին իրենց կողմից ստեղծած անսովոր հերոսներով տիկնիկային ներկայացումը:
նկարները տես...>>>

Նրանք հորինել էին կերպարներ, ընտրել էին համապատասխան միջավայր, հորինել պատմություն, որի թեման էր ընկերասիրությունն ու բարությունը: Նրանք իրենց ստեղծած սյուժեն ներկայացրեցին հանդիսատեսին: Ներկայացումը սկսելուց առաջ նրանք պատմեցցին թե ինչպես են ստեղծվում մուլտֆիլմները, ինչ տիպի են լինում նրանք և ովքեր են մուլտֆիմների հիմնադիրները: Ներկայացումը համեմվեց ընկերասիրության մասին երգերով: Բոլորը ոգևորված էին: Միջոցառումը ուսանելի էր ու հետաքրքիր, իսկ աշակերտների խոսքըհստակ և անկաշկանդ:Այս աշխատանքը համարվում էր հետազոտական աշխատանք, որն աշակերտների մոտ զարգացնում է ստեղծագործական կարողություն և արժեքային համակարգ:

Մեր հայրենիքի գարունը ... 3 բ դասարան

Thu, 22 May 2014 17:12:51 GMT

Մայիսի 20 - ին 3 բ դասարանը ներկայացրեց տարեվերջյան <<Մեր հայրենիքի գարունը>> թեմայով տարեվերջյան հանդես: Հանդեսը սկսվեց Շտրաուսի երաժշտությամբ:
նկարները տես ... >>>

Բեմ բարձրացան տարվա 4 եղանակները: Յուրաքանչյուրն իր արտաքին տեսքով նման էր տվյալ եղանակին:Ներկայացվեց Հ. Թումանյանի <<Ծաղիկների երգը>> բանաստեղծությունը, որը բեմականացվեց երաճշտությամբ: Հանդեսը ուսանելի էր, քանի որ այն դաստիարակում էր ճաշակ և բարություն: Այն ուներ նկարագրական և գեղագիտական բովանդակություն և դրանով իսկ հիացմունք պատճառեց հանդիսատեսին՝ ծնողներին և ուսուցիչնեչին:

1-ին ա դասարանի <<Այբբենարանի>>հանդեսը

Mon, 12 May 2014 17:04:31 GMT

2014 թվականի մայիսի 8-ին տեղի ունեցավ 1-ին ա դասարանի (դասվար Դ.Հ.Ծատուրյան) <<Մեր մոլորակը >> խորագիրը կրող ցերեկույթը, որը նվիրված էր <<Այբբենարանի>> ավարտին: Այն անցավ ուրախ ու ջերմ մթնոլորտում`պարգևելով թե′ ծնողներին,թե′ ուսուցչական կոլեկտիվին և թե′ հյուրերին մեծ բավականություն ու զարմանք, որ այսքան կարճ ժամանակահատվածում երեխաները դարձել էին ոչ միայն տառաճանաչ այլ նրանք արտասանում էին անկաշկանդ, երգում էին միմյանց լսելով, ինչպես մի փոքրիկ երգչախումբ` միասնական ու գեղեցիկ և′ խաղում` ինչպես փոքրիկ դերասաններ: Ցերեկույթը շատ ուսանելի էր ու դաստիարակչական:
նկարները տես...>>>

Այբբենարանի հանդես 1-ին բ դասարանում

Thu, 08 May 2014 19:41:40 GMT

Մայիսի 7-ին տեղի ունեցավ 1-ին բ դասարանի
<< Այբբենարան>> - ի ավարտմանը նվիրված միջոցառումը:
Ներկայացվեց մի ներկայացում << Լեզու, որ հասկանալի է բոլորին...>>:
նկարները տես...>>>

Մասնակիցներ՝ տնօրեն, փոխտնօրեններ, ուսուցիչներ, աշակերտներ:
Մասնակիցները համապատասխան համազգեստով էին:
Թեման դաստիարակչական, հայրենասիրական և խրատական բնույթի էր:Երեխաները ներկայացման ընթացքում երգում և պարում էին: