ԵՐԵՒԱՆԻ ԴԱՎԻԹ ՍԱՐԱՊՅԱՆԻ ԱՆՎԱՆ Հ. 100 ՀԻՄՆԱԿԱՆ - Դպրոցի անցուդարձ 2024-2025 թթ

#ուսումնական_վարժանք | #հրդեհավտանգ_իրավիճակ #տարհանում

5/9/2025

Фотография

📌Մայիսի 8 - ին դպրոցում անցկացվեց ուսումնական տարհանման վարժանք՝ հրդեհավտանգ իրավիճակում ճիշտ գործելու նպատակով։
🎯 Վարժանքը նպատակ ունի բարձրացնել սովորողների իրազեկվածությունը և պատրաստվածությունը արտակարգ իրավիճակներում։
🚒 Աշակերտները՝ ուսուցիչների և փրկարարների օգնությամբ, անվտանգ և կազմակերպված կերպով դուրս բերվեցին շենքից։ Այս ուսումնական վարժանքի նպատակն էր բարձրացնել սաների և ուսուցչական կազմի իրազեկվածությունը հրդեհավտանգ իրավիճակներում ճիշտ արձագանքման վերաբերյալ։
Վարժանքն անցավ հաջող, կազմակերպված և պատասխանատվությամբ։
👏 Շնորհակալություն բոլոր մասնակցողներին՝ ակտիվ մասնակցության և պատասխանատվությամբ մոտեցման համար։ Անվտանգությունը՝ մեր գերակայությունն է։
նկարները տես․․․

Մայիսի 9 – Հաղթանակի օր

5/9/2025

Фотография

Այս օրը միահյուսում է ցավը և հաղթանակը, կորուստը և փառքը։ Մայիսի 9-ը մեր պատմության ամենազգացմունքային ու խորքային էջերից է՝ խորհրդանշելով հայրենասիրության, քաջության և մարդկային ուժի ամենաբարձր դրսևորումը։
Այսօր մենք խոնարհվում ենք նրանց հիշատակի առաջ, ովքեր իրենց կյանքը տվեցին հանուն խաղաղության։ Նրանք մեզ սովորեցրին՝ ինչ է նշանակում հայրենիք սիրել գործով, ոչ թե բառերով։
Այսօր նաև հիշում ենք՝ որ խաղաղությունը տրվում է մեծ գնով, և մեր պարտքն է պահպանել այն արժանապատվորեն։
Հաղթանակը նրանցն է, ովքեր հիշում են։
Հաղթանակը նրանցն է, ովքեր ապրում են արժանապատիվ խաղաղությամբ։
նկարները տես․․․

Մանկավարժական պրակտիկայի ավարտ

5/8/2025

Фотография

Ֆակուլտետ՝ Կրթության հոգեբանության և սոցիոլոգիայի
Բաժին ՝ Հոգեբանություն ,
կուրս՝ 3-րդ
Դասարան ՝ 2-րդ «Ա», 3-րդ <<Բ»
Թեմաներ՝ <<Էմոցիաների ճանաչում և վերահսկում>>,
<<Ես ինքս ինձ հետ ընկեր եմ>>:
Նրանք դասարաններում իրականացրին յուրահատուկ հանդիպում՝ նվիրված հույզերի աշխարհին, որի շրջանակում դիտարկեցին երկու խորքային թեմա․
🔸 Էմոցիաների ճանաչում և վերահսկում
🔸 Ես ինքս ինձ հետ ընկեր եմ

Դասի նպատակն էր օգնել սովորողներին հասկանալ՝
✔ ինչպիսի հույզեր են ապրում տարբեր իրավիճակներում,
✔ ինչպես ճանաչել ու անվանել այդ հույզերը,
✔ ինչպես կառավարել դժվար զգացողությունները՝ առանց խոցելու ինքդ քեզ կամ շրջապատին,
✔ և ամենակարևորը՝ ինչպես լինել բարեկամ ինքդ քեզ։
📌 Դասի ընթացքում․

Սովորողները մասնակցեցին խաղերի և վարժությունների, որոնց միջոցով բացահայտեցին իրենց հույզերը։
Քննարկեցին իրավիճակներ՝ որտեղ տիրում է վախը, զայրույթը, տխրությունը կամ ուրախությունը։
Սովորեցին հույզերի «լսելու» կարևորությունը՝ ոչ թե ճնշելու, այլ հասկանալու ու ճիշտ արձագանքելու համար։
Նկարեցին հույզերի դեմքեր, կազմեցին «Ես ինձ հետ խոսում եմ» դրական հայտարարությունների ցանկ։

💬 Դասի ավարտին սովորողները գրեցին՝
📍 «Երբ ինքս ինձ չեմ մեղադրում, հեշտ է ներել նաև ուրիշներին»,
📍 «Ես սովորում եմ զայրանալ առանց բղավելու»,
📍 «Ինքս ինձ հետ ընկեր լինելն ամենակարևոր հարաբերությունն է իմ կյանքում»։
Այսպիսի դասերը ամրացնում են ոչ միայն սովորողի հոգեբանական հենքը, այլև ամբողջ դասարանի՝ փոխընկալման և համախմբման մթնոլորտը։ Բոլորը սովորեցին՝ որ իրար հասկանալու ճանապարհը սկսվում է ինքներն իրենց ճանաչելուց։
Հոգեբան՝ Լուսինե Բեջանյան
Նկարները տես․․․

Հույզերի լաբիրինթոսում ես և միջավայրս

5/8/2025

Фотография

Հույզերի լաբիրինթոսում՝ ես և միջավայրսԱյս օրերին աշխարհն ավելի քան երբևէ կարիք ունի բարության, անկեղծության և համակեցության հզոր ուժի։ 7-րդ Բ դասարանի սովորողները, հնարավորություն ունեցան մասնակցելու մի դասի, որն օգնեց ոչ միայն հասկանալ իրենց զգացմունքները, այլև բացահայտել միջավայրի ազդեցությունը դրանց վրա։ Դասը կազմակերպել էին Մանկավարժական համալսարանի 3-րդ կուրսի ուսանողները իրենց մանկավարժական պրակտիկայի ընթացքում։ Հոգեբան՝ Ի․ Իսրայելյան։
Դասը կրում էր «Հույզերի լաբիրինթոսում՝ ես և միջավայրս» խորագիրը։ Երեխաները մտան այդ լաբիրինթոսի մեջ՝ առանց վախի, բայց մեծ հետաքրքրությամբ։
Դասի ընթացքում․
🔹 Խոսեցին հույզերի բազմազանության մասին՝ ուրախություն, զայրույթ, վախ, հիասթափություն, հպարտություն և այլ զգացմունքներ։
🔹 Վերլուծեցին իրավիճակներ, որոնք առաջացնում են տվյալ հույզերը։
🔹 Սովորեցին՝ ինչպես կարող ենք վերահսկել հույզերը և փոխել միջավայրը՝ դրական ազդեցության համար։
🔹 Իրականացրին խմբային քննարկում, խաղեր, ստեղծագործական առաջադրանքներ, և ներկայացրին նաև հույզերի իրենց «քարտեզները»։

Այս հանդիպումը վերածվեց ինքնաճանաչման, հոգեբանական զարգացման և համատեղ ջերմ փորձառության։ Երեխաները սովորեցինք տեսնել ոչ միայն իրենց ներաշխարհը, այլև զգալ, թե ինչպես է միջավայրը ձևավորում այդ ներաշխարհը։

💬 «Երբ ճանաչում ես քո հույզերը, կարող ես ճանաչել նաև ուրիշներին» – այս խոսքը դարձավ մեր դասի գլխավոր ուղերձը։
Դասը մեզ համար դարձավ ոչ թե սովորական դասաժամ, այլ կյանքի դաս։ 🌿

նկարները տես․․․

Նախագծային աշխատանք՝ Եղիշե Չարենցին նվիրված

5/7/2025

Фотография

Մեծ ոգեւորությամբ և պատասխանատվությամբ 8-րդ Բ դասարանում իրականացվեց նախագիծ՝ նվիրված հայ գրականության հսկաներից մեկին՝ Եղիշե Չարենցին։Նախագծի ղեկավար՝ Ա․ Աբելյան։
📖 Աշխատանքի ընթացքում․
🔹 Ուսումնասիրեցինք Չարենցի կենսագրությունը և գրական ուղին։
🔹 Վերլուծեցինք նրա ամենահայտնի բանաստեղծությունները։
🔹 Ստեղծեցինք ցուցադրական պաստառներ՝ լուսանկարներով, մեջբերումներով և համառոտ մեկնաբանություններով։
🔹 Ներկայացրինք նրա գրական մտածողության արժեքը՝ ժամանակակից հայ երիտասարդի աչքերով։
🔹 Եվ վերջում՝ կազմակերպեցինք փոքրիկ մոնոլոգ՝ Չարենցի խոսքը կենդանացնելու համար։

💬 «Ո՛վ հայ ժողովուրդ, քո միակ փրկությունը քո հավաքական ուժի մեջ է» — այս խոսքերը դարձան մեր աշխատանքային ոգեշնչման նշանաբանը։
Այս նախագիծը ոչ միայն նոր գիտելիքներ տվեց, այլ նաև կապեց մեզ մեր ազգային մշակույթի, ինքնության ու պատմության հետ։
Շնորհակալություն ուսուցչին, և բոլոր նրանց, ովքեր աջակցեցին ու նպաստեցին այս կարևոր ու հիշարժան փորձին։ ❤️
նկարները տես․․․

Այբբենարան 1-ին Ա դասարան

5/6/2025

Фотография

Այսօր մեր 1-ին Ա դասարանցիների համար մի շատ կարևոր և հուզիչ օր էր։ Նրանք Այբուբեն օդանավով թռիչք կատարեցին դեպի գիտելիքի ցարմանահրաշ աշխարհ։Նրանք ջանադրությամբ ներկայացրին տառերի իրենց ընկերներին՝ երգեցին, արտասանեցին, կարդացին ու ապացուցեցին, որ արդեն քայլում են գրագիտության ուղիով։ 📖

Շնորհավորում ենք բոլոր երեխաներին, նրանց ծնողներին ու ուսուցիչներին այս կարևոր ու հիշարժան պահի կապակցությամբ։ Թող այբբենարանը լինի առաջին գիրքը մեծ սիրով կարդալու ճանապարհին։ 💙

Դասղեկ՝ Ն . Բաբայան
նկարները տես․․․

Азбука нас в мир волшебный зовёт…

5/4/2025

Фотография

Այսօր 2-րդ Ա դասարանի մեր փոքրիկները նոր քայլ կատարեցին իրենց կրթական ճանապարհին։ Տեղի ունեցավ ռուսաց լեզվի տառաճանաչությանը նվիրված միջոցառումը, ուր երեխաները մեծ ոգևորությամբ ներկայացրին իրենց ձեռք բերած գիտելիքները՝ երգերով, արտասանություններով ու խաղերով։

Այս օրը նշանավոր է նրանով, որ երեխաները ոչ միայն սովորել են ռուսերեն այբուբենը, այլ նաև սիրել են կարդալն ու խոսքը։ Տառերն այլևս միայն նշաններ չեն․ դրանք դարձան կամուրջ դեպի գրքեր, պատմություններ ու աշխարհաճանաչում։
Շնորհակալություն Ռ․ Պապյանին, Ն․ Ղահրամանյանին ու ծնողներին՝ այս գեղեցիկ ուղու աջակցության համար։ Թող տառերը միշտ լինեն լույսի ու իմացության դուռ։ 🌟
Նկարները տես․․․

#Համապետական շաբաթօրյակ

5/3/2025

Фотография

Այսօր Դ.Սարապյանի անվան հ.100 հիմնական դպրոցը ակտիվորեն մասնակցեց համապետական շաբաթօրյակին՝ նվիրված շրջակա միջավայրի մաքրվելու և բարեկարգվելու հիմնարար նպատակին։
նկարները տես...

ԳՈՐԾՆԱԿԱՆ ԱՇԽԱՏԱՆՔ 5֊ՐԴ Բ ԴԱՍԱՐԱՆՈՒՄ

5/2/2025

Սերմի ծլարձակման համար անհրաժեշտ պայմանների ուսումնասիրություն։
Նկարները տես...

Фотография

2015 -2025

5/1/2025