Click here to edit.

Մայիսի 4-ին համար 100 դպրոցի հանդիսասրահում տեղի ունեցավ ցերեկույթ <<2010թ.-ի 10 լավագույնները>> խորագրով:Միջոցառումը կազմակերպել էր դաստիարակչության գծով փոխտնօրեն Շ. Մկրտչյանը:Բեմահարթակ բարձրացավ աշակերտական խորհրդի նախագահ` 9-րդ դասարանի աշակերտուհի Մարիամ Վարդանյանը:Նրա բացման խոսքից հետո հանդիսատեսը հրավիրվեց <<Հունաստան>> մի փոքր էքսկուրսիայի:3-րդ բ և 8-րդ ա դասարանի աշակերտները հունական պարով գերեցին դահլիճը,հատկապես փոքրիկ Գագիկ Սանամյանը,որը անմոռաց պարում էր,անգամ չհիշելով ձեռքի կոտրվածքը:Աննկարագրելի էր դահլիճի հուզմունքը:9-րդ ա դասարանի աշակերտները մեկը մյուսի հետևից սահուն ձևով ներկայացրեցին մեր աշխարհահռչակ 10 լավագույն մարզիկներին,որոնք ճանաչված են ոչ միայն մեր հանրապետությունում,այլև նրա սահմաններից դուրս:Նրանց,ովքեր իրենց տարած հաղթանակներով ցույց են տվել, թե ո՞վ ենք մենք, ո՞վ է <<հայը>>:Մեր եռագույնը միշտ ծածանվել է տարբեր երկրների սպորտային միջոցառումներում:Միջոցառման երկրորդ մասը նման էր հեքիաթի:Ներս բերվեց հանրապետության դրոշը,որի միջից դուրս եկած`4-ի բ դասարանի աշակերտուհի Ալլա Գևորգյանը համապատասխան երաժշտության ուղեկցությամբ իր կողմից կատարված գեղարվեստական  մարմնամարզական հնարքներով մեծագույն հաճույք և հիացմունք պատճառեց ներկաներին:Բեմահարթակում էին նաև  դպրոցի <<10 լավագույն >> մարզիկները,որոնք արժանացան ներկաների ծափողջյուններին:Դպրոցի տնօրեն  տիկին Օհանյանը բեմահարթակ հրավիրեց Շ. Մկրտչյանին` գովասանքի մեծագույն խոսքերով:Ելույթ ունեցան փոխտնօրեն Ա. Պողոսյանը,ուսուցիչներ,ծնողներ,որոնք դպրոցից հեռացան դրական էմոցիաներով և մեծ բավականությամբ: Տիկին Մկրտչյանը իր խորին շնորհակալությունը հայտնեց Գայանե Կարապետյանին,որը մեծ նվիրումով և եռանդով աջակցեց շնորհանդեսի պատրաստման գործում:
Իզուր չէ ասված,որ եթե նման են օրերը բոլոր,ապա իմացեք ապրել եք մեկ օր:
Թող 2011թ.-ի <<Մայիսի 4-ը>>տարբերվի իր բովանդակությամբ և իմաստով:

---