Ծնողական կոնֆերանս

Բոլոր մարդիկ ի բնե միատեսակ են և միայն կյանքի պայմաններն են դարձնում նրանց տարբեր...
Այսպես սկսեց իր խոսքը դպրոցի տնօրեն Ա.Օհանյանը: ՀՀ Ազգային ժողովի նիստերից մեկում քննարկվել է ՀՀ կառավարության հեղինակած <<Հանրակրթության մասին>> և <<Կրթության մասին>> օրենքներում փոփոխություններ և լրացումներ նախատեսող օրենսդրական փաթեթ: Շուրջ տաս տարի է, որ մեր դպրոցը իրականացնում է ներառական կրթություն, ելնելով այն համոզմունքից, որ կրթությունը ցանկացած անձի զարգացմանը նպաստող միջոց է, անկախ ֆիզիկական կամ այլ խոչընդոտներից: Տարիներ շարունակ այս գործընթացը մեր դպրոցում կոչվել է <<բարության դասեր>> և մեր առջև որոշակի խնդիրներ դրել.
1.Փոխել շրջապատի և հասարակության վերաբերմունքը խնդիր ունեցող երեխաների հանդեպ:
2.Սովորողների մեջ դաստիարակել հոգատարություն, բարություն, ընկերասիրություն և հանդուրժողականություն:
Յուրաքանչյուր երեխա մի գիրք է և որպեսզի կարողանաք այն կարդալ, անհրաժեշտ է նրան լավ ճանաչել, ճիշտ գնահատել և նրա շուրջը ստեղծել բարությամբ և ջերմությամբ լի մթնոլորտ: Որպեսզի տեղ ունենաս երեխայի հոգու գրքում, պետք է նա քեզ հավատա, հարգի և վստահի:
Դպրոցի որդեգրված այս քաղաքականությունը իրականացնող բաղադրիչներն են
1. Մանկավարժներ
2.Ներառական թիմ
3.Աշակերտներ
4. Ծնողներ
Ծնողներ, որոնց դերը շատ եմ կարևորում, նշել է տնօրենը: Նրանք է, որ պետք է պահպանեն դպրոցում ներարկվածը և զարգացնեն ընտանեկան դաստիարակչության էջերում:
Հարգելի ծնողներ, բոլորիս ցանկությունն է երեխաներին թողնել լավ աշխարհ, իսկ ես ուզում եմ աշխարհին թողնել լավ երեխաներ:
Փնտրիր բարին ամենուրեք և քանի դեռ ապրում ես ոչինչ մի ավելացրու աշխարհի աղետներին ու տխրությանը, տարածիր քո շուրջը բարություն, այնպիսի բարություն, որը ներ թափանցի քո շրջապատում գտնվող մարդկանց սիրտն ու հոգին:
նկարները տես...>>>

---