Ծառատունկ

Ապրիլի 14-ին մեր  դպրոցի աշակերտները և ուսուցիչները միասնական ուժերով մասնակցեցին սպասված շաբաթօրյակին: Դպրոցի շրջակայքի, հարակից այլ տարածքների մաքրման աշխատանքներից զատ նաև տնկվեց շուրջ 30 դեկորատիվ ծառ, որը տրամադրել էր Աջափնյակ վարչական շրջանը: Դպրոցում արդեն ավանդույթ է ձևավորվել, և ամեն գարնանն աշակերտները ծառեր են տնկում և առանձնահատուկ խնամքով հետևում դրանց աճին: Տնօրենը և 9 - րդ դասարանցիները միացյալ ուժերով տնկեցին ծառերը: Նրանք այս տարի թողնելու են մեր դպրոցը, իսկ մի քանի տարի հետո, երբ անցնելու կլինեն դպրոցի կողքով, կտեսնեն ու կհիշեն այսօրվա օրը: Մեր աշակերտները հաճույքով են մասնակցում շաբաթօրյակներին: Պատանի այգեգործները ոգևորությամբ են սպասում իրենց տնկած ծառերի առաջին բողբոջներին, անձամբ են հետևում, որպեսզի իրենց անվանական ծառերը կամ թփերը չվնասեն: Ուրախալին այն է , որ երեխաների մեջ ձևավորվել է պատասխանատվության զգացում:
Նկարները տես...>>>

---