Շնորհակալագիր 100 հինական դպրոցի տնօրեն Ա.Օհանյանին
 Այսօր մեր դպրոցում Թումանյանական շաբաթվա մեկնարկը տրվեց 5 ա դասարանի շնորհալի աշակերտների կողմից, որոնք հանդես եկան տիկնիկային բեմադրությամբ: Նրանք բեմադրեցին Թումանյանի <<Շունն ու կատուն>> ստեղծագործությունը, որի սցենարի մեջ իրենց կողմից փոփոխություններ էին կատարել, որում տարբեր ձևերով ներկայացրեցին Թումանյանի և մեր օրերի <<Շունն ու կատուն>> : Միջոցառումները շարունակվեցին նաև դպրոցի բոլոր դասարաններում, որոնք էլ ներկայացրեցին իրենց պատկերացմամբ Թումանյանին:
Նկարները տես...>>>  Ըստ եկեղեցական ավանդության, Տրնդեզի տոնը կապվում է Տիրոջ ծննդից 40 օր հետո նրան կրակներով ընդառաջ գնալու գաղափարի հետ։ Հայ եկեղեցին Տրնդեզը միշտ տոնում է փետրվարի 14-ին, այսինքն՝ Քրիստոսի ծննդից՝ հունվարի 6-ից, 40 օր հետո։ Սրանից էլ ծագում է տոնի եկեղեցական անվանումը՝ «Տյառն ընդառաջ»։
Տրնդեզը տոնվում էր մեծ շուքով ու հանդիսավորությամբ։ Տրնդեզի օրը, վաղ առավոտյան, մեծահասակ կանայք եկեղեցուց վերադառնալուց Տրնդեզի ուտետներ էին պատրաստում ու բաժանում տնեցիներին։ Այդ օրը պարտադիր կերպով փոխայցելություններ էին կատարում՝ խնամիները, նոր նշանած տղա ունեցող ընտանիքն այցելում էր հարսնացուի տուն, իսկ նորահարս ունեցող ընտանիքին այցելում էին հարսի հարազատները, տանելով իրենց հետ նվերներ, ընկույզ, չամիչ, աղանձ ու փոխինդի գնդեր։ Կեսօրից հետո այս ընտանիքներն իրենց բակում խարույկ էին վառում։ Որպես կանոն, խարույկի դեզը պատրաստում էին նորափեսաները։ Քավոր կնոջ, սկեսուրի և տալերի ուղեկցությամբ նորահարսին բակ էին իջեցնում և խարույկի շուրջն սկսվում էր շուրջպարը։ Երբ կրակը փոքր-ինչ մեղմանում էր, սկսվում էին կրակթռուկները։ Կրակի վրայից առաջինը թռչելու իրավունքը վերապահվում էր նորահարսին։ Պտղավորվելու ակնկալությամբ խարույկի վրայից թռչում էին նաև ամուլ կանայք՝ այրելով իրենց զգեստի քղանցքը, ապա թռչում էին երիտասարդները, տղամարդիկ, իսկ վերջում՝ երեխաները։ Այս ավանդույթը մինչև օրս էլ մեզանում պահպանված է։ նկարները տես...>>>  Փետրվարի 10-ին մեր դպրոցում ևս նշվեց Ապահով Համացանցի միջազգային օրը: Կարգախոսը՝ Եկե՜ք ստեղծենք ավելի ապահով Համացանցը միասին: Այդ օրը դպրոցում տարբեր դասաժամերի և տարբեր դասարաններում եղան բաց դասեր նվիրված Ապահով Համացանցին: Դպրոցի աշակերտներին շատ հետաքրքրեց դասը: Նրանք մեծ ոգևորությամբ մասնակցում էին հարցադրումներին, բերում իրենց կյանքից օրինակներ... Դասն ամփոփվեց համացանցին առնչվելու անվտանգության և վարվեցողության կանոններով: Դասն ուսանելի էր և՛ աշակերտների , և՛ ուսուցիչների համար: Օգտվենք համացանցից դրական կողմերը յուրացնելով, իսկ հնարավոր վտանգները կանխելով: Օգտագործի՛ր համացանցը կարիքներիդ համար, բայց այն մի սարքիր քո բնակավայրը:  Մեր դպրոցում 5 - ի դասարանի աշակերտների նախաձեռնությամբ ստեղծվել է թատերական խմբակ: Նրանք ժամանակ առ ժամանակ տիկնիկային ներկայացումներ են կազմակերպում 1-4 դասարանի աշակերտների համար:
նկարները տես...>>> 
|
CategoriesAuthorWrite something about yourself. No need to be fancy, just an overview. Archives
June 2015
|
||
RSS Feed
