 Ցանկանում եմ, որ այս գալիք տարին բոլորին երջանկություն բերի......
Թող, որ բոլորի երազանքները իրականություն դառնան... Թող այս տողերը կարդացողի աչքերը երբեք չպարուրվեն տխրության նոտաներով..... 100 դպրոցի տնօրեն Ա. Օհանյան նկարները տես ...>>>
0 Comments
  7 րդ բ դասարանը ներկայացրեց բաց դաս Հայոց եկեղեցու պատմություն առարկայից: Թեման էր <<Աստվածաշնչյան առակների>> մեկնությունը: Դասն սկսվեց <<Տերունական աղոթքով>> - զուգահեռաբար համակարգչի էկրանին արտացոլվում էր <<Հայր մեր>> - ը: Դասին ներկայացված էր <<Խորհրդավոր ընթրիքի>> տեսարանը, որտեղ աշակերտները մարմնավորել էին Հիսուսի և 12 առաքյալների կերպարները` համապատասխան հագուստներով: Աշակերտները, բեմականացմանը զուգահեռ, ներկայացրին առակների գաղափարը և արդիականությունը այն է` բոլորին հաղորդակից դարձնել Աստվածաշնչյան առակներին, որոնց հիմնական պատգամն է՝ ապրել նորովի կյանքով, չհեռանալ Աստծուց, ամեն վայրկյանի համար շնորհակալ լինել Աստծուն, լինել բարի, ներող, սիրող, հանդուրժող, չծուլանալ, չնախանձել, չբամբասել: Ներածական խոսքով հանդես եկավ դպրոցի հայոց եկեղեցու պատմության ուսուցչուհի Լիլիթ Վարաժյանը: Տնօրեն Ա. Օհանյանի ուշադրությունը գրավեց աշակերտների մշակված, գրագետ ու տպավորիչ խոսքը: Առակները պատշաճորեն ներկայացնելու և դասը բարձր մակարդակով կազմակերպելու համար դպրոցի տնօրենը շնորհակալություն հայտնեց ուսուցչուհուն և աշակերտներին : Դասին ներկա էր նաև Էջմիածնի քրիստոնեական դաստիարակության կենտրոնի տարածաշրջանի պատասխանատու Արմինե Թոքաթլյանը: Նա դրվատանքի խոսքեր ասաց մասնակիցներին և դրական լիցքերով հեռացավ դպրոցից: Նկարները տես...>>>  Նա նաև Մայր Աթոռ Սուրբ Էջմիածնի օրհնյալ միջավայրից Վարդան Եպիսկոպոս Նավասարդյանի օրհնությամբ իր խորին գնահատանքը բերեց թիվ 100 դպրոցի տնօրենին, մանկավարժներին, ծնողներին և աշակերտներին:
 12.12.2014թ.-ին, հաշմանդամության միամսյակին նվիրված միջոցառումների շարքի վերջին և ամփոփող իրադարձությունն էր:
Երևանի 100 դպրոցի բազմամասնագիտական թիմն անցկացրեց բաց դաս «Զգում եմ: Մտածում եմ: Խոսում եմ:» խորագրով, որին մասնակցում էին 2-րդից 4-րդ դասարանի աշակերտները: Բաց դասի հիմնական գաղափարն էր ցույց տալ դպրոցում աշակերտների գործունեության բազմակողմանիությունը՝ զգացմունքների, գաղափարների և դրանք արտահայտելու միասնությունը: Զննականության համար մեծ պաստառ էր պատրաստվել, որն ինտերակտիվորեն օգտագործում էին երեխաները: «Իմ հույզերի աշխարհը», «Իմ մտքերի աշխարհը» և «Իմ խոսքի աշխարհը» պայմանական անվանումներով խմբերը հերթականությամբ ներկայացրեցին իրենց գիտելիքները նշված թեմաների մասին: Բաց դասն ավարտվեց հսկայական «ընկերության շղթայով» և ուրախ երգերով: Հիրավի, այս փոքրիկ դասը դպրոցի ողջ բազմամասնագիտական թիմի՝ տնօրենի, մանկավարժների, ծնողների և երեխաների միասնականության ամրապնդման խորհրդանիշն էր... նկարները տես...>>>  8 ի ա դասարանը ուրախ է դասընկերոջ հաղթանակների համար:
նկարները տես...>>>  2014 թվականի նոյեմբերի 14-ին Խ.Աբովյանի անվան ՀՊՄՀ-ում լոգոպեդի միջազգային մասնագիտական տոնի կապակցությամբ կազմակերպված «Իմ լոգոպեդը» խորագրով նկարների մրցույթում հաղթող էին ճանաչվել 100 դպրոցի 8-րդ դասարանի աշակերտ Արման Միլիտոսյանը և 2012-2013թթ. ուստարվա շրջանավարտ Հակոբ Անեշյանը:
Դպրոցի այս կարևոր նվաճումն ըստ արժանվույն գնահատվեց: Դեկտեմբերի 5-ին տեղի ունեցավ հաղթողների պարգևատրման արարողությունը: Դպրոցի տնօրեն տիկին Ա.Օհանյանը շնորհակալագրեր հանձնեց հաղթողներին՝ ընդգծելով նրանց յուրատեսակ աշխարհընկալումը և նկարչական ձիրքը: Նա նաև իր հատուկ անակնկալ մրցանակներ էր նախապատրաստել հաղթողների համար: Դպրոցի ներառական թիմը նույնպես իր կողմից հատուկ նվեր էր պատրաստել տաղանդաշատ նկարիչների համար: Արարողությանը մասնակից էին բազմամասնագիտական թիմի բոլոր անդամները՝ տնօրենը, մանկավարժները, մասնագետները, ծնողները, դասընկերները: Այն հերթական անգամ ի ցույց դրեց 100 դպրոցի բոլոր օղակների պրոֆեսիոնալիզմը և համագործակցային ձեռքբերումները, որոնք արտահայտվում են մեր հպարտության՝ մեր երեխաների հաջողությունների շնորհիվ: Դպրոցի ամբողջ անձնակազմի անունից ևս մեկ անգամ շնորհավորում ենք մեր երիտասարդ արվեստագետներին և մաղթում նորանոր վերելքներ: նկարները տես...>>>  Այսօր 1 բ և 4 բ դասարանի աշակերտները ներկայացրեցին <<Աշնան գույները երաժշտության մեջ>> դաս միջոցառումը: Դասի նպատակն էր ընդլայնել երեխաների երաժշտական տպավորությունները, երաժշտական հուզական ընկալումը: Աշնան մասին նրանք պատմում էին, արտասանում, ինչպես նաև կարդում իրենց գրված շարադրությունները: Ամբողջ դասի ընթացքում հնչեցին Չայկովսկու և Շոպենի ստեղծագործությունները: Նրանք մեծ ուշադրությամբ ունկնդրում և դատողություններ էին անում երաժշտության մասին: Համատեղ դասը Հ. Սաֆարյան և Կ. Առուստամյան շատ արդյունավետ էր և ուսուցողական ոչ միայն երեխաների, այլ նաև ծնողների համար:
Մեջբերում տնօրենի խոսքից. Առաջ, դպրոցական տարիներին ես գրում էի աշնան մասին շարադրություններ, որովհետև այդպես էր պետք, որովհետև հանձնարարված էր: Հիմա գեղեցիկ բառեր չեմ փնտրում, որ դնեմ իրար կողքի, հիմա միայն զգում եմ աշունը, աշնան մեղեդին, ապրում աշնան ամեն մի օրով: Սիրում եմ աշունը, հատկապես երբ տերևները թափվում են և զարդարում գետինը: Այդ ժամանակ հասկանում եմ, որ աշունն էլ ինձ է սիրում: Նկարները տես...>>>  100 դպրոցի 1 - ին բ դասարանի աշակերտները մեծ ուրախությամբ ողջունում են իրենց դասընկեր Կչոզյան Խաչատուրի հաղթանակը և իրենց ուրախությանը մասնակից են դարձնում դպրոցի տնօրեն Ա. Օհանյանին և դասվար Գ. Ալեքսանյանին:  Եթե չունենանք արժանապատվություն, չենք ունենա հաղթանակներ, այսպես սկսեց իր խոսքը դպրոցի տնօրենը Ա. Օհանյանը:
Սպորտը օգնում է ձեզ զարգացնել ձեր ֆիզիկական հմտությունները, վարժություններ կատարել, նոր ընկերներ ձեռք բերել, հաճույք ստանալ, սովորել խաղալ թիմում, սովորել խաղալ արդար և բարձրացնել ձեր ինքնագնահատականը: Սպորտում սովորած դասերը կարող են օգնել ձեզ ձևավորել ձեր արժեքները և վարքագծերը հասուն կյանքում: Հիշեք պետք է միշտ ուրախանալ ու հպարտանալ հաղթանակներով , սակայն սովորել նաև վերապրել հիասթափությունները և պարտությունները:  Աշնան տոնը առանձին շուքով նշվեց 3 ա դասարանում աշնանային շքեղ գույների, երգի, երաժշտության, բանաստեղծությունների, երկխոսությունների, պարի, բեմադրության ցուցահանդեսին աշակերտների կողմից պատրաստված ձեռքի աշխատանքների ու նկարների մեջ: Մեծ նշանակություն ունեցավ միջառարկայական կապը` միջոցառումը բարձր մակարդակով անցկացնելու համար:
Նկարները տես...>>>  Թիվ 100 դպրոցի առօրյան միշտ էլ հագեցած է բազմազան ու շատ հետաքրքիր միջոցառումներով: Վերջերս նման միջոցառումներից մեկը կազմակերպել էին փոխտնօրեն տ-ն Կարապետյանը և Նախնական զինվորական պատրաստության ուսուցիչ, պահեստի գնդապետ պ-ն Նանյանը: Նրանց գլխավորությամբ IX դասարանի աշակերտները VIIIԲ դասարանի որոշ աշակերտների հետ միասին այցելեցին Վ. Սարգսյանի անվան Ռազմական ինստիտուտ: Այնտեղ երեխաներին դիմավորած սպան երեխաներին ծանոթացրեց ինստիտուտի ստեղծման պատմությանը, մասնակցությանը ղարաբաղյան ազատամարտին: Նրա առաջնորդությամբ երեխաները եղան ինստիտուտի Փառքի սրահում, որտեղ ցուցադրված էին հաստատության նվաճումները տարբեր հարթակներում, նյութեր արտասահմանյան կառույցների հետ համագործակցության մասին, ուսում ստացող սպաների այժմյան առօրյայի, ուսումնական պրոցեսի կազմակերպման հետ կապված լուսանկարներ: Հետո երեխաները ներկա եղան կրակային պատրաստության ամբիոնում անցկացվող դասին, որտեղ ծանոթացան ռազմական տեխնիկայի տարբեր նմուշների: Շատ մեծ էր երեխաների հետաքրքրությունը այն ամենի հանդեպ, ինչ տեսնում ու լսում էին: Նրանք բազմաթիվ հարցեր տվեցին սպաներին, որոնց տրվեցին շատ հետաքրքիր ու սպառիչ պատասխաններ:
Այնուհետև երեխաներին ուղեկցեցին ինստիտուտի թանգարան, որտեղ ցուցադրված էին շատ նմուշներ, կապված բանակաշինության, դրա ակունքներում կանգնած ռազմական ու քաղաքական գործիչների, ռազմական գործողությունների, տարած հաղթանակների հետ կապված: Դե իսկ վերջում երեխաներին և նրանց ուղեկցողներին համեղ կերակրեցին ինստիտուտի ճաշարանում: Ցավոք, ինչպես ամեն լավ բան, այդ շատ հետաքրքիր էքսկուրսիան էլ ավարտվեց: Երեխաները ինստիտուտը լքեցին էլ ավելի հայրենասեր դարձած, հաղթական կամքով, հայրենիքը ամեն տեսակի ոտնձգություններից պաշտպանելու վճռականությամբ և հայրենիքի պայծառ ու հզոր ապագայի հանդեպ մեծ հավատով լի: Նկարները տես...>>> |
CategoriesAuthorWrite something about yourself. No need to be fancy, just an overview. Archives
June 2015
|
RSS Feed