Blog Archives - Երևանի Դավիթ Սարապյանի անվան հ. 100 հիմնական դպրոց

Բաց դաս ,,Էկոլոգիա"

4/29/2015

Այսօր կենսաբանության ուսուցչուհի Ա. Գյոզալյանը և քիմիայի ուսուցչուհի Ն. Ներսիսյանը 7- ի ա և բ դասարաններում անցկացրեցին բաց դաս <<Էկոլոգիա>> թեմայով: Նրանք ներկայացրեցին`
1. Աշխարհի էկոլոգիան
2. Հայաստանում ծագող հրատապ հարցերը բնապահպանության վերաբերյալ
3. Սևանի խնդիրը
4. Ծիծեռնակաբերդի հուշահամալիրին դրված ծաղիկների կյանքը.
Աշակերտները իրենց ուժերով մշակել էին ծաղիկները և թուղթ ստացել ծաղիկներից: Նրանք թուղթը ներկել էին անմոռուկի գույներով: Երեխաները ներկայացրեցին նաև անմոռուկը, նրա գույների իմաստը կապված Հայոց ցեղասպանության 100 - րդ տարելիցի հետ:
նկարները տես...>>>

ՀՐԱԺԵՇՏ ԱՅԲԲԵՆԱՐԱՆԻՆ

4/20/2015

1- ին բ դասարանում այսօր տոն էր: Դաշնամուրային մեղմ երաժշտության ներքո աշակերտները զույգերով ներկայացան հյուրերին : Սկզբում նրանք ներկայացրեցին հայոց լեզվի դերն ու նշանակությունը մարդու կյանքում և երգեցին հայերենին նվիրված երգ: Հետո նրանք ներկայացրեցին Մ. Մաշտոցին որպես հայերենի առաջին ուսուցիչ: Տարբեր հեքիաթների հերոսները իրենց գեղեցիկ դերախաղով հիացրեցին հյուրերին: Միջոցառումը ամփոփվեց հայրենասիրական երգով, Սյուզաննայի մենապարով և դասվարի շնորհակալական խոսքով: Դպրոցի տնօրենը շնորհավորեց բոլորին և խորին շնորհակալություն հայտնեց դասվարին և ծնողներին: Միջոցառումը ունենալով ուսուցողական, դաստիարակչական և գեղագիտական նշանակություն, մեծ բավականություն պատճառեց բոլորին:
Նկարները տես...>>>

Ավանդական ուտեստներ

4/20/2015

Երբ հարկ է լինում բնորոշելու հային, հպարտությամբ և հիացմունքով ներկայացնում են հայի հյուրասիրությունը, ասպնջականությունը: Հայի ավանդական սեղանին են բազմում հայկական ազգային ճաշատեսակները, համադամ ուտելիքները: Այսօր մեր դպրոցի 6- րդ բ դասարանի աշակերտները դարձան շարունակողը ավանդական հյուրասիրության: Խորհրդանշական էին հայի ջերմությունըհիշեցնող կարմիր անձեռոցիկները, արցախյան ժինգյալով հացը, լավաշով, կանաչիով ուտեստները, իսկ ավանդական գաթան պարզապես սեղանի զարդն էր՝ քաղցրությամբ խորհրդանշելով հայի քաղցր խոսքն ու բարեսրտությունը: Երեխաները կազմակերպեցին անմիջական հյուրասիրություն և արժանացան գովեստի խոսքերի տնօրենի և ուսուցիչների կողմից:
Շնորհակալություն:
Նկարները տես...>>>

Վերապատրաստումներ 100 դպրոցում

4/17/2015

Մեր դպրոցի շուրջ 25 ուսուցիչներ մասնակցեցին 5 օրյա վերապատրաստման դասընթացների <<Կրթություն բոլորի համար>> թեմայով:
Նկարները տես...>>>

Մեր պապերը

4/17/2015

Այսօր 1 - ին ա դասարանում <<Հիշում ենք և պահանջում>> խորագրի տակ անցկացվեց փոքրիկ միջոցառում <<Մեր պապերը>> թեմայով: Երեխաները պատմեցին իրենց պապիկների մասին և նրանց նկարները փակցրեցին ծառին: Ուսուցիչը խոսեց << Անմոռուկի>> խորհրդի մասին, և երեխաները երաժշտության ներքո մոմեր դրեցին Եղեռնի անմեղ զոհերի հիշատակին: Ուսուցիչը հորդորեց վառ պահել իրենց պապերի հիշատակը և պատիվը: Ա. Օհանյանը նշեց, որ հենց այսպիսի միջոցառումների մեջ են ծնվում մեր ապագա հայրենասերները:
Նկարները տես...>>>

ՀԱՅՈՑ ՑԵՂԱՍՊԱՆՈՒԹՅԱՆ 100 _ ՐԴ ՏԱՐԵԼԻՑԻ ՀԱՄԱՀԱՅԿԱԿԱՆ ՀՌՉԱԿԱԳԻՐ

4/17/2015

Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի նիստի ավարտից հետո Նախագահ Սերժ Սարգսյանը հանձնաժողովի անդամների և ընդլայնված նիստի մասնակիցների հետ այցելել է Ծիծեռնակաբերդի հուշահամալիր՝ ծաղկեպսակ դրել Հայոց մեծ եղեռնի զոհերի հուշարձանին և հարգանքի տուրք մատուցել անմեղ զոհերի հիշատակին: Պետական հանձնաժողովի անդամներն այնուհետև ծանոթացել են Հայոց ցեղասպանության թանգարան-ինստիտուտի նոր ցուցադրության նախապատրաստման աշխատանքների ընթացքին:
Ծիծեռնակաբերդի հուշահամալիրում տեղի է ունեցել նաև Հայոց ցեղասպանության 100-րդ տարելիցի համահայկական հռչակագրի հրապարակման արարողությունը: Հռչակագիրը միաձայն ընդունվել է Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի նիստում: Փաստաթուղթն ընթերցել է Նախագահ Սերժ Սարգսյանը և ի կատարումն Հայոց ցեղասպանության 100-րդ տարելիցի միջոցառումները համակարգող պետական հանձնաժողովի որոշման, հռչակագրի մայր օրինակը ի պահ է հանձնել Հայոց ցեղասպանության թանգարան-ինստիտուտին: Հանրապետության Նախագահը նշել է, որ հռչակագրի մեկ օրինակը կուղարկվի Միացյալ ազգերի կազմակերպության Գլխավոր քարտուղարին, մեկ օրինակը կհանձնվի Հայաստանի Հանրապետության ազգային արխիվ:
Այսպիսով, Հայոց ցեղասպանության 100 րդ տարելիցի համահայկական
հռչակագրում ամրագրված տարեթիվը մտավ ոչ միայն հայոց, այլև համաշխարհային
պատմության մեջ: Փաստաթուղթը տնօրեն Ա. Օհանյանի կողմից ընթերցվեց նաև դպրոցի բարձր դասարաններում:

Նկարները տես...>>>

Հանդիպում ՀՀ Պաշտպանության փոխնախարար Արա Նազարյանի հետ

4/15/2015

Երևանի 100 դպրոցի աշակերտներն ու ուսուցիչները այսօր հանդիպում ունեցան ՀՀ Պաշտպանության փոխնախարար Արա Նազարյանի հետ: Հանդիպումը կայացավ ջերմ մթնոլորտում և տևեց գրեթե 1 ժամ: Պրն. փոխնախարարը իր խոսքը սկսեց եղեռնի զոհերի հիշատակին նվիրված պատմական ակնարկով: Նրա խոսքը համեմված էր հայրենասիրությամբ և աշակերտները հիացմունքով ու հետաքրքրությամբ լսեցին ամեն մի խոսք, որն ուղղված էր հայ ժողովրդի պատմական անցյալին: Աշակերտների հարցերին փոխնախարարը պատասխանեց մեծ սիրով և ուրախությամբ, քանի-որ նա նկատեց երեխաների ճիշտ գիտական հարցադրումները, ինչպես նաև նրանց ցավը իրենց ժողովրդի ողբերգական անցյալի նկատմամբ: Իր խոսքն աշակերտներին ուղղեց նաև դպրոցի տնօրեն Ա. Օհանյանը, նշելով, որ դաստիարակության անկյունաքարը կազմում է հայրենասիրությունը: 7 - րդ բ դասարանի աշակերտ Գ. Սանամյանը Ա. Նազարյանին նվիրեց սեփական ձեռքերով պատրաստված անմոռուկ և լուսանկարվեց նրա հետ: Ա. Նազարյանը հրաժեշտ տվեց աշակերտներին և խոստացավ հանդիպումները դարձնել շարունակական, քանի-որ նա ևս հավասարը - հավասարի հետ շփվեց մեր աշակերտների հետ:
Նկարները տես...>>>

Համաքաղաքային շաբաթօրյակ

4/12/2015

Աջափնյակ վարչական շրջանի 100 հիմնական դպրոցի աշակերտները մեծ ոգևորությամբ մասնակցեցին համաքաղաքային շաբաթօրյակին:
Նկարները տես....>>>

Հիսուս Քրիստոսի հրաշափառ ՀԱՐՈՒԹՅՈՒՆԸ. Սուրբ Զատիկ

4/11/2015

Ապրիլի 5-ին (2015թ. տոնացույցով) Հայաստանյայց Առաքելական Սուրբ Եկեղեցին և ողջ հայությունը, մեր Եկեղեցու հավատացյալ զավակները Հայաստանում և Սփյուռքում տոնակատարում են համաքրիստոնեական մեծագույն տոնը` մեր Տեր և Փրկիչ Հիսուս Քրիստոսի հրաշափառ Հարությունը` Սբ. Զատիկը: Քրիստոսի հրաշափառ Հարության ավետիսը` «Քրիստոս յարեաւ ի մեռելոց», հնչեց դեռ շաբաթ երեկոյան` Ճրագալույցի սբ. Պատարագի ընթացքին պատարագիչ քահանայի շուրթերից մեկ անգամ ևս ազդարարելով, որ Աստվածորդու` խաչի վրա մահվամբ և հրաշափառ Հարությամբ մարդը վերստին արժանացավ հավիտենական կյանքը ժառանգելու իր կոչմանը: 6 - րդ բ դասարանի աշակերտները ուսուցչուհի Լիլիթ Վարաժյանի հետ միասին անցկացրեցին բաց դաս միջոցառում նվիրված այդ օրվան:
նկարները տես...>>>

Կախարդի քսակը

4/11/2015

5 ա դասարանը կրկին անգամ տիկնիկային ներկայացում էր պատրաստել կրտսեր դասարանի երեխաների համար: Այս անգամ նրանք ցուցադրեցին <<Կախարդի քսակը >> ներկայացումը: Ներկայացումը հետաքրքիր էր և ուսանելի աշակերտների համար:
Նկարները տես ...>>>