|
Ամանորի շունչը դեկտեմբերի 1-ից թևածում էր դպրոցում: Բոլոր դասարանները իրենց դասասենյակները վերածել էին ամանորյա հրաշքի: Այդ ամենը ստացվել էր դժվարությամբ: Օգնել էին ծնողները, որոնք ամենայն պատրաստակամությամբ մասնակցում էին այս հաճելի գործին: Մեծ խանդավառություն ապրեցին աշակերտները, քանի որ իրենց համառ պատրաստակամ ջանքերի շնորհիվ մնացած նախատոնական օրերը դասերը անցկացնելու էին հեքիաթային միջավայրում: Եկավ գնահատման պահը, որին բոլորը սպասում էին սրտի թրթիռով: Մեր ֆեյսբուքյան հետևորդների քվեարկության և դպրոցում կազմակերպված քվեարկության հիման վրա լավագույնն են համարվել հետևյալ չորս դասարանները՝ 5 ա և 1 ա դասարանները << Լավագույն ձևավորում>>,1 բ դասարանը <<Լավագույն ձեռքի աշխատանքներ>> և 8 ա դասարանը <<Լավագույն մտահղացում>> անվանակարգերում: Շնորհակալություն ենք հայտնում բոլորին, ովքեր իրենց ներդրումն ունեցան այս գործում:
8-րդ դասարանի աշակերտները պարբերաբար դպրոցում կրտսեր սաների համար հեքիաթներ են բեմականացնում... Հերթական անգամ 1- ին դասարանցիների համար հրաշալի ամանորյա բեմականացում ներկայացվեց... Փոքրիկները մեծ բավականություն ստացան ներկայացումից և շատ ուրախացան...  19.12.2017 - 21.12.2017թթ. հ. 100 հիմնական դպրոցում տեղի է ունենալու դասասենյակների ձևավորման մրցույթ: Աշխատանքները ներկայացված է տեսանյութում: Մրցույթի արդյունքները ամփոփվելու են 22.12.2017թ.-ին ժամը 12:00-ին:  5- րդ ա և 5 - րդ բ դասարանների աշակերտները Աջափնյակ վարչական շրջանի <Գրադարանների կենտրոնացված համակարգ>> - ում մասնակիցը եղան ամանորյա <<Փորձիր գտնել Ձմեռ պապիկին>> ինտերակտիվ միջոցառմանը:
 <<Ներառականությունը Հայաստանում>> ԶԼՄ մրցույթում հաղթող է ճանաչվել՝ ՀՀ Ռադիոի <<Երկու Սերունդ>> հաղորդումը,որի հյուրերն էին հ. 100 հիմնական դպրոցի հոգեբան Թամարա Սարգսյանը և սոցիալական մանկավարժ Լուսինե Բեջանյանը։ Շնորհավորում ենք հարգարժան ռադիոհաղորդավար Հասմիկ Դիլանյանին , և բոլորիս մաղթում նորանոր նման համագործակցություն:Շնորհակալություն ենք հայտնում դպրոցի տնօրեն Անուշ Աբելյանին, լրատվամիջոցների հետ ակտիվ համագործակցությունը ապահովելու համար։
 Ամանորը հոգում ունեցած հեքիաթների արթնացման ժամանակն է: Յուրաքանչյուրիս հոգու խորքում սպասումներ են ծնվում՝ նորի, ապագայի, երազանքների, սիրո… Եվս մի քանի օր և դարձյալ ամանոր ու էլի երազանքներ… Սիրում եմ Ամանորը, թերևս ամենաշատը նրա համար, որ բոլորը հավատով են դիմավորում նոր տարին, բոլորը հոգու խորքում հավատում են իրենց երազանքների իրականացմանը…
Ուզում եմ, որ 2018-ին ոչ ոք չզգա տխրություն ու միայնություն… Ուզում եմ, որ 2018-ին ոչ մի երազանք անկատար չմնա… Ուզում եմ, որ 2018-ն իր հետ երջանկություն, խաղաղություն ու հաջողություն բերի… Ուզում եմ, որ 2018-ն իր հետ լույս բերի և վերացնի խավարը… Ուզում եմ, որ 2018-ն իր հետ շատ ժպիտներ բերի… Ուզում եմ, որ 2018-ն իր հետ անկեղծություն ու մաքրություն բերի…  Դպրոցի տնօրեն Ա. Աբելյանը 1 - ին դասարանի աշակերտ Դավիթ - Ամորիին պարգևատրեց պատվոգրով ամանորյա ձևավորում անվանակարգում' <<Լավագույն ձեռքի աշխատանքի և ինքնատիպ մտահղացման համար>>:
|
AuthorWrite something about yourself. No need to be fancy, just an overview. Archives
June 2018
Categories |
RSS Feed
