|
|
|
 26.09.2017թ - ին Երևանի հ. 100 հիմնական դպրոցում կայացավ ծնողական խորհրդի առաջին նիստը, որին մասնակցում էին 15 դասարնների ծնողական խորհրդի նախագահները։ Անցկացվեց քվեարկություն, որի արդյունքում ընտրվեց դպրոցի 2017 - 2018 ուստարվա ծնողական խորհրդի նախագահ՝ Եդիգարյան Սեդա և քարտուղար՝ Խաչատրյան Նունե:
Նկարները տես...>>>
0 Comments
 Սեպտեմբերի 20-ին 5 ա դասարանում դասղեկի ժամին անկացվեց դաս-միջոցառում նվիրված անկախ հանրապետության հռչակման 26 ամյակին խորագիրը՝ «ՀՀ պետական խորհրդանշանները»։ Դասարանը ձևավորված էր թեմային համահունչ, առկա էր ՀՀ դրոշը, ՀՀ զինանշանը, նախապես պատրաստված պաստառ։ Դասը սկսվեց ՀՀ Օրհներգի կատարմամբ, որից հետո աշակերտների ուշադրությունը հրավիրվեց օրհներգում հնչած «նվիրական մեր նշան» արտահայտության վրա և հարց դրվեց, թե ինչ են հասկանում «նշան» ասելով։ Դասարանին առաջարկվեց «նշան» բառի հետ կապված այլ բառեր ու արտահայտություններ ասել, որոնք գրառվեցին էկրանին, ընդգծվեց խորհրդանշան բառը։ Դասն ընթանում էր շնորհանդեսի զուգակցությամբ։ Մեկնաբանվեց «նշան» և «խորհրդանշան» հասկացությունները, այնուհետև անցում կատարվեց պետական խորհրդանշաններ գաղափարին։ ՈՒսուցչուհի Նաիրա Զոհրաբյանն ընդգծեց, որ պետական խորհրդանշաններում արտացոլվում են տվյալ պետության պատմությունը, ապագայի տեսլականը և կարևորագույն արժեքները։ Այնուհետև դասարանը բաժանվեց խմբերի: Խմբերի ներսում քննարկման արդյունքում յուրաքանչյուր խումբ ընտրեց խորհրդանշան և ներկայացրեց։ Խմբերին բաժանվեց օրենքների տեքստեր։ Խմբերի աշխատանքի արդյունքների ներկայացումից հետո ուսուցչուհին հայտարարեց մրցույթ 1 շաբաթ ժամկետով, ինչպես կանեին այդ աշխատանքը իրենք, եթե իրենց հանձնարարեին խորհրդանշան ստեղծել։ Լավագույն աշխատանքը կընտրվի դասարանի խորհրդանշան։ Դասն ավարտվեց դպրոցի տնօրեն տիկին Աբելյանի խոսքով։ Դասը կձևավորի այն գաղափարը , որ աշակերտները գիտակցեն իրենց անմիջական մասնակցության անհրաժեշտությունը ազգային խնդիրների լուծմանը, դառնան ազգային և համամարդկային արժեքներ կրողը։ Դպրոցում տեղի ունեցած շքերթի ժամանակ տնօրենը ուսուցչուհուն խրախուսեց շնորհակալագրով անկախության տոնին նվիրված բովանդակալից, հիասքանչ դաս-միջոցառում կազմակերպելու համար։
Նկարները տես...>>>  Այսօր 3 -րդ բ դասարանում դաս միջոցառում էր նվիրված ՀՀ Անկախության 26 - րդ տարեդարձին: Դասը հագեցած էր թե′
թեմաներով(<<Տանկը թանգարանում>>, <<Սեպտեմբերի 21>>), թե′գույներով և թե′ հայրենասիրական երգերով: Դասն ավարտվեց <<Մենք ծնվել ու հասակ ենք առնում մեր պապերի երազած անկախ երկրում՝ անամպ երկնքի տակ: Նկարները տես...>>>  9 - րդ բ դասարանում տեղի ունեցավ բաց դաս նվիրված ՀՀ Անկախության 26-րդ տարեդարձին:
 Արդեն 26 տարի Հայաստանը անկախ է:
Անկախություն, սա այն էր ինչի մասին դարերով երազում էր հայ ազգը, սա այն էր ինչի մասին փափագում էին մեր պապերը: Հ. 100 հիմնական դպրոցը շնորհավորելով Հայ ազգին սեպտեմբերի 21-ի՝ անկախության տարելիցի կապակցությամբ, ցանկանում է խաղաղություն, բարեկեցություն: Ցանկանում է ամեն հայի դեմքին տեսնել ժպիտ: Երազում հային տեսնել ծաղկող, սերունդ տվող: Թո՛ղ Հայաստան աշխարհում այնքան բալիկ լինի, որ նրանց խինդն ու ծիծաղը թնդա Հայոց քաղաքներում, դաշտերում, լեռներում ու թո՛ղ այն հասնի խաղաղ ու կապույտ երկնքին, հասնի տիեզերքին: Եվ թո՛ղ բոլորն իմանան, որ Հայաստանը ու հայը կան՝ աճում են, ապրում, ծաղկում, բարգավաճում ու արարում: Շնորհավոր անկախությունդ իմ մա՛յր Հայաստան… Նկարները տես...>>>  Սեպտեմբերյան այս արևառատ օրը տոն է մեզ համար, տոն դպրության,գիտելիքի, ուսման։ Տոն, որը նաև մեր սաների սրտում է մնում։ Դպրոցի տնօրենությունը շնորհավորում է բոլորիս այս օրվա առթիվ: Շնորհավորում է նաև այն փոքրիկների նորամուտը, ովքեր այսօր առաջին անգամ ոտք դրեցին հ. 100 հիմնական դպրոց։ Մեզ՝ մանկավարժներիս, մաղթում ենք ուժ ու եռանդ, իսկ մեր սաներին ՝ ողջամտություն և աշխատասիրություն։
Նկարները տես>>>... |
AuthorWrite something about yourself. No need to be fancy, just an overview. Archives
Июнь 2018
Categories |
RSS-канал
