Blog Archives - Երևանի հ. 100 հիմնական դպրոց

Մայրենիի տոնին ընդառաջ

2/24/2018

Մայրենի լեզվի դրախտային աշխարհը ոտք դնողի առջև բացվում են գաղտնիքներով լի բոլոր դռները, այն կարող է մեկնել անմեկնելի առեղծվածները, կարող է բացատրել անբացատրելին: Մայրենիի օրվան նվիրված միջոցառումների, բաց դասերի և էքսկուրսիաների շրջանակներում 8 - րդ դասարանի մի խումբ աշակերտներ հայոց լեզվի և գրականության ուսուցչուհի Գ. Գասպարյանի գլխավորությամբ, յուրօրինակ մոտեցմամբ և դրսևորումներով ներկայացրին Հ. Թումանյանի մի քանի հեքիաթների տիկնիկային բեմադրությունը: Այս անգամ կրկին մեր հանդիսատեսներն էին ոչ միայն մեր տարրական դպրոցի աշակերտները, այլև հ. 42 մանկապարտեզի ավագ խմբի սաները: Փոքրիկ հանդիսատեսները ճամփորդություն կատարեցին Անմահ լոռեցու հեքիաթների զարմանահրաշ աշխարհներով: Ներկայացումը ուսուցողական բնույթ ուներ՝ հեքիաթների հերոսները պարբերաբար հարցեր էին հղում փոքրիկ հանդիսատեսին:
Նկարները տես...>>>

Բաց դաս 3 - րդ բ դասարանում

2/23/2018

Փետրվարի 22-ին 3 - րդ բ դասարանում տեղի ունեցավ միջոցառում անգլերեն առարկայից` «ABC Party» խորագրով (ուսուցիչ Գ. Մելտոնյան): Միջոցառումը նվիրված էր անգլերենի տառուսուցմանը: Միջոցառման ընթացքում աշակերտները ասմունքեցին անգլերենի տառերի, գույների, թվերի մասին, կազմեցին երկխոսություններ, անվանեցին մարմնի մասերը, երգեցին երգեր դրանց վերաբերյալ: Բեմադրեցին <<Պապն ու Շաղգամը>> հեքիաթը: Միջոցառումն ուղեկցվեց տեսասահիկների գեղեցիկ ցուցադրմամբ: Տնօրեն Ա. Աբելյանը կարևոր համարեց անգլերենի ուսուցումը:<<Որքան շատ լեզու իմանաք, այնքան շատ հնարավորություններ կբացվեն ձեր առջև, իսկ անգլերենի շնորհիվ կկարողանաք բազմաթիվ ընկերներ գտնել աշխարհի տարբեր անկյուններում և շփվել նրանց հետ բոլորին հասկանալի լեզվով>>,- հավելեց նա: Այնուհանդերձ տնօրենը կարևորեց ոսկեղենիկ մայրենիի դերը, հորդորեց աշակերտներին՝ անաղարտ պահել հայերենը՝ որպես ազգի գոյության հիմք:
նկարները տես...>>>

9 - րդ բ դասարան Հ.Թումանյանի քառյակները

2/22/2018

Բաց դաս 9 - րդ բ դասարանում
Նկարները տես...>>>

Անաղարտ պահենք մեր մայրենին

2/21/2018

5 -րդ բ դասարանում դաս էր նվիրված մայրենիի օրվան
Նկարները տես...>>>

Դաս - միջոցառում 1 - ին ա դասարանում

2/21/2018

Մայրենիի օրվա շրջանակներում 1 - ին ա դասարանում (դասվար Ե. Ջիլավյան) անցկացվեց դաս - միջոցառում: Աշակերտները բանաստեղծությունների, երգերի ու պատմությունների միջոցով ներկաներին փոխանցեցին մեր հանճարների թևավոր մտքերը հայոց լեզվի մասին և ներկայացրին մեսրոպյան գրերի անցած դժվարին ուղին: Մայրենիին նվիրված ասմունքով և երգով հանդես եկան ոչ միայն երեխաները, այլ նաև նրանց ծնողները:
Միջոցառումը հագեցած էր ստեղծագործական տարողունակությամբ ու հանճարեղությամբ: Դպրոցի տնօրեն Ա. Աբելյանը, շնորհակալություն հայտնելով կազմակերպված միջոցառման համար, իր գոհունակությունը հայտնեց, որ կարևորվում է այս օրը և որ մայրենիի հանդեպ նման վերաբերմունք կա:
«Սիրե′ք մայրենին, որ ճիշտ դաստիարակեք և ուսուցանեք գալիք սերունդներին»,- ասաց նա:
Նկարները տես...>>>

Դաս 4 -րդ ա դասարանում

2/21/2018

Մայրենիի օրը խորագրով ինքնատիպ, խորիմաստ մեջբերումներով ու մեկնաբանություններով հագեցած բաց դաս չորրորդ ա դասարանում ։ Նկարները տես...>>>

Դաս 3 - րդ բ դասարանում

2/21/2018

3- րդ բ դասարանում (դասվար Ա. Հարությունյան) ինքնուրույն ընթերցանության դաս էր` նվիրված <<Ամենայն հայոց բանաստեղծին: Դասն ուսանելի էր, հագեցած բանատեղծություններով, երգերով և գրքի մասին ասույթներով: Երեխաները բեմադրեցին <<Թագավորն ու գյուղացին >> հեքիաթը և վերջում միմյանց նվիրեցին գրքեր:
Նկարները տես...>>>

Բաց դաս 1 - ին բ դասարանում

2/21/2018

Հովհաննես Թումանյանին նվիրված հետաքրքիր և ուսանելի բաց դաս անցկացվեց 1 - ին բ դասարանում (Դասվար Ա. Ալեքսանյան): Աշակերտները տեղեկություններ հայտնեցին Հովհաննես Թումանյանի մասին, բեմադրեցին նրա հեքիաթներից և երգեցին երգեր: Վերջում յուրաքանչյուրը նկարեց իր սիրած հեքիաթը: Դասարանի կողմից Ա. Ալեքսանյանը գրադարանին նվիրեց Հ. Թումանյանի գրքերից:
Նկարները տես...>>>

<<Արթուն պահենք մեր մայրենին >> խորագրով միջոցառում հ. 100 հիմնական դպրոցում

2/20/2018

Լեզուն է ամեն մի ժողովրդի ազգային գոյության ու էության ամենախոշոր փաստը, ինքնության ու հանճարի ամենախոշոր դրոշմը, պատմության ու հեռավոր անցյալի կախարդական բանալին, հոգեկան կարողությունների ամենաճոխ գանձարանը, հոգին ու հոգեբանությունը: Հայ լեզուն ավանդվել է մեզ դարերի խորքից և, որպես ամրակուռ վահան, իր վրա է կրել ոսոխի բազմաթիվ հարվածները, բայց մնացել է անսասան: Թշնամու յաթաղանի ու հրի դեմ մեր լեզուն մագաղաթ ու մատյան է դարձել… Ու հայ ազգն այսօր հայ է մնացել միայն հավատքի ու հայոց լեզվի շնորհիվ…Միջոցառումը կազմակերպվել էր Մայրենի լեզվի միջազգային օրվա կապակցությամբ` ևս մեկ անգամ գիտակցել տալու մեր «ազգային գոյության ու էության ամենախոշոր փաստի»` «մեր ժառանգության մեծագույն գանձի»` մայրենի լեզվի արժեքը: Մասնակիցները համապատասխան շնորհանդեսի ուղեկցությամբ և գեղարվեստական արտահայտչականությամբ ներկայացրին, թե հայ ժողովրդի հետ դարերի դաժան փորձությունների ինչպիսի երկար ճանապարհ է անցել նրա ինքնության վկայագիրը` հայոց լեզուն: Ոսկեղենիկ մայրենիով մեր պատմիչներն ու գրողները հյուսել են մեր ժողովրդի հոգու երգն ու կարոտը, երազն ու սերը: Տնօրեն Ա. Աբելյանը, բավականին տպավորված, իր գոհունակությունն ու երախտագիտությունն արտահայտեց բոլոր մասնակիցներին` մայրենին փայփայելու, այդքան մեծ սիրով ու նվիրումով ներկայացնելու համար:
նկարները տես...>>>

Աջափնյակ և Դավիթաշեն վարչական շրջաններ

2/19/2018

Աջափնյակ և Դավիթաշեն վարչական շրջանների գրականության օլիմպիադայի տարածքային փուլը հ. 100 հիմնական դպրոցում:
Նկարները տես...>>>