Blog Archives - Երևանի Դավիթ Սարապյանի անվան հ. 100 հիմնական դպրոց

Դասղեկի ժամ 5 բ դասարանում

3/30/2016

5բ դասարանում դասղեկի ժամն անցկացվեց առանձնահատուկ ձևով: Դասարանում գեղեցիկ զատկական սեղան էր գցված իսկ շեշտադրումը հետևյալն էր <<Ինչ գիտեի զատիկի մասին>> և վերջում <<Ինչ իմացա զատիկի մասին>>:
Դասղեկ Վարաժյանի հարցադրումների շնորհիվ աշակերտները կարողացան տալ իրենց մեկնաբանությունները զատկական սովորույթների, կերակուրների վերաբերյալ, իսկ այն ինչ աշակերտների համար անհասկանալի էր դասղեկի բացատրության արդյունքում ամեն ինչ հասկանալի դարձավ: Վերջում աշակերտները երազանք պահեցին և ժապավեններով զարդարեցին կենաց ծառը:
նկարները տես...>>>

Ինչպես միշտ, լավագույնն է մեր դպրոցը

3/29/2016

Վարկանիշավորում

Ուրախ տրամադրություն 2 - րդ ա դասարանում

3/25/2016

Տիկին Ջիլավյանը իր դասղեկի ժամը նվիրել էր <<Ուրախ զատիկ>> զատկի տոնին:Արդեն մեկ շաբաթ է ինչ աշակերտները կատարում են որոնողական, հետազոտական աշխատանք տոնը ուրախ և բովանդակալից դարձնելու համար: Աշխատանքը սկսել էին ԳՈՒՍ( (գիտենք, ուզում ենք իմանալ, սովորեցինք) մեթոդական հնարով և այսօր անդրադարձան սովորել ենք բաժնին: Բոլորը գիտեին տոնի խորհուրդը,, իմաստը, ճաշատեսակները, խաղերը: Ակտիվ էին, ազատ, գիտակ: Ուրախ օրը ավարտվեց ձվակռվով, որի ժամանակ բոլորը ջանում էին հաղթել և իմաստավորել խաղը:
նկարները տես...>>>

Սուրբ Զատիկ 2 - րդ բ դասարանում

3/25/2016

Սուրբ Զատիկին նվիրված դասը 2 - րդ բ դասարանում սկսվեց.
-Քրիստոս հարյավ ի մեռելոց
-Օրհնյալ է հարությունը Քրիստոսի:
Աշակերտներին առաջադրվեցին տոնին վերաբերող հանելուկներ: Բացատրվեց տոնի խորհուրդը, տրվեց տեղեկություններ տոնի մասին, երգեցին Ալկատիզին նվիրված երգեր:
Դասվար ՝ Ա. Ալեքսանյան
Նկարները տես...>>>

Զատկական ավանդություններ

3/24/2016

Դասղեկ՝ Դ. Ծատուրյան
Այսօրվա 3 ա դասարանի դասղեկական ժամի թեման էր`Զատիկը կամ Քրիստոսի Հրաշափառ Հարության տոնը: Դասի ընթացքում երեխաներն իմացան, թե ինչ խորհուրդ ունի Զատիկը, շաբաթվա որ օրը և ինչու Զատկի ձվերը ներկում են միայն կարմիր գույնով: Խոսվեց նաև ձվախաղերի զատկական ճաշատեսակների, հատկապես` չամիչով փլավի մասին, որում բրնձի հատիկները խորհրդանշում են Աստծո ստեղծած էակներին` մարդկանց, իսկ չամիչը`հավատավորներին:Աշակերտները ներկայացրին ավանդություններ հոնենու(որը ծառայել էր որպես խաչափայտ), և շիկահավի մասին: Խոսվեց նաև այն մասին, որ

Զատիկը երբեք չի լինում մարտի 22-ից շուտ և ապրիլի 25-ից ուշ:
Առաջին զատկական զամբյուղները պատրաստվել են թռչնաբնի նմանությամբ:
Շոկոլադե առաջին ձվերը պատրաստվել են դեռևս 17-րդ դարի սկզբում և դրանից ի վեր Զատկին առնչվող ամենաժողովրդական հաճույքներից մեկն են:
Ըստ Գինեսի ռեկորդների գրքի` զատկական ամենամեծ ձուն, որ երբևէ պատրաստվել է, 25 ֆուտ, այսինքն մոտավորապես763 սմ բարձրություն ուներ, պատրաստված էր շոկոլադից և զեֆիրից ,և այլ հետաքրքրաշարժ տեղեկություններ:

Այնուհետև աշակերտները ստեղծեցին մի փոքրիկ անկյուն, որը զարդարեցին իրենց իսկ պատրաստած զատիկներով, ապլիկացիոն ձվերով և շնորհավորական բացիկներով:
նկարները տես...>>>

Քրիստոս հարյավ ի մեռելոց

3/23/2016

Դասղեկ Ժ. Ալադուզյան
<<Քրիստոս հարյավ ի մեռելոց>>
<<Օրհնյալ է Հարությունը Քրիստոսի>>
3- րդ բ դասարանում դասը սկսվեց երգով, տեղեկություն տրվեց Ս. Զատիկի և Հարության տոնի մասին:Տեղեկացվեց նաև ամսանունների, տոնացույցի, Ակլատիզի, ձվախաղերի մասին: Դասաժամն ավարտվեց <<Բարի լուր>> երգով: նկարները տես...>>>

Մեր շնորհալի Գևորգը

3/18/2016

Հատուկ տակտիկական ուսումնավարժություն հ. 100 հիմնական դպրոցում

3/16/2016

Համաձայն Երևանի քաղաքապետի կողմից հաստատված Բնակության պաշտպանության համակարգի նախապատրաստման 2016թ. հիմնական միջոցառումների պլան --ի 9.4.1 կետի 19 ենթակետի ս.թ. մարտի 15 - ին ժամը 11:00- ին Մարգարյան 9 հասցեում տեղակայված հ. 100 հիմնական դպրոցում անցկացվել է <<Կազմավորումների գործողությունները դպրոցում ծագած հրդեհի դեպքում>> թեմայով:
Հատուկ տակտիկական ուսումնավարժությունը գնահատվեց բավարար:
Երևանի հ. 100 հիմնական դպրոցի տնօրեն Ա. Օհանյան
նկարները տես...>>>

Բաց դաս 8 - բ դասարանում

3/15/2016

Էջմիածինը և Մխիթարյան միաբանությունը՝ որպես հայագիտության պահպանման մշակութային կենտրոններ:
Աշակերտները բաժանվել էին 2 խմբի, որոնցից յուրաքանչյուրը անդրադարձավ վերոնշյալ կենտրոններին:
Ս. Էջմիածինը ներկայացվեց, որպես հայեցի դաստիարակության, մշակութային արժեքների պահպանման կենտրոն: Մ. Միաբանությունը ներկայացնելուց աշակերտները կարողացան զուգահեռներ անցկացնել <<ազգ>> և << կրոն>> հասկացությունների միջև:
նկարները տես...>>>

Գարունը այնքան ծաղիկ էր վառել 1 - ին բ դասարանում

3/10/2016

Գարնան գալուստը ազդարարող գեղեցիկ տոն էր 1 - ին բ դասարանում նվիրված մայրիկներին, տատիկներին, ուսուցիչներին և դասարանի աղջիկներին: Դասարանի տղաները մաղթանքներով, երգով ու իրենց ձեռքի աշխատանքներով անակնկալ մատուցեցին դասարանի աղջիկներին և իրենց շատ սիրելի տնօրեն Ա. Օհանյանին: Վերջում Վիվալդիի <<Տարվա եղանակները>> մեղեդու հնչյունների տակ աշակերտները նկարեցին <<Գարնանային ծաղիկներ>> ու <<Գարնան զարթոնք>>:
Նկարները տես...>>>