|
|
 <<Քառակուսային եռանդամի տոհմածառը>>։ Այն մի խնձորենի էր ,որի արմատները մխրճված էին հողի մեջ`քառակուսային արմատների գրառումներով։ Բոլոր պայմանները աշակերտները ծառի ճյուղերին փակցնում էին կանաչ տերևների տեսքով, իսկ եզրակացությունները պտուղների` խնձորների տեսքով։ Կատարվեց նաև քարտեզագրում։ Ուշագրավ էր տնային հանձնարարությունը` կառուցել պապերի պապերից եկող մեծ ընտանիքի տոհմածառը, որտեղ շատ էին հին հայկական անունները`Դավիթ, Սոսե, Նարե, Հովհաննես, Պողոս, Նանե և այլն։
0 Comments
 Ապրիլի 24-ը ՄԱՐԴԿՈՒԹՅԱՆ բաց նյարդն է, որից ճառագայթվող ցավն այլևս պահանջ է` տիեզերքում վավեր…Ապրիլի 24-ը աշխարհի խղճի, բարոյականության, բանականության ու ինքնահարգանքի անթաքույց առհավատչյան է… Ապրիլի 24-ը այլևս հառաչ ու ցասում չէ, ուժ է ու գենետիկ կոդի հաստատակամության սիմվոլի ամրագրում…Ապրիլի 24-ը ապրելու, ձիգ ու խելամիտ ապրելու մեր կռվանն է. այն հորդոր ունի` հույսիդ ամենաամուր հենարանը եղիր ինքդ…
Նկարները տես...>>>  Սուրբ Հարության տոնը Տերունական աղոթքով սկսվեց 3-րդ բ դասարանում (դասղեկ Գ. Ալեքսանյան)։Հնչեցին երգեր, հանելուկներ, աշակերտները ներկայացրեցին տոնի խորհուրդն ու սովորույթները։ Տոնն ամփոփվեց ձվակռվով։ նկարները տես...>>>  Ամփոփվեց <<Ծաղկազարդից մինչ Զատիկ>> միջոցառումների շարքը: Զատկական սեղան,գեղեցիկ գյուղական գողտրիկ անկյուն, որտեղ գեղեցկուհի հայուհին <<Ամպի տակից>> - ը մրմնջալով ծաղկաշղթա էր պատրաստում աղջիկների համար: Աշակերտները գեղեցիկ ներկայացրեցին այդ երկու կարևոր տոների թե′ եկեղեցական և թե′ ժողովրդական սովորույթները: Աղջիկ- տղաների երգ-տաղիկները, հայկական պարն ու քահանայի տնօրհնեքի տեսարանները միջոցառումը ավելի գեղեցիկ և աշխույժ դարձրեցին: Միջոցառման ավարտին տնօրեն Ա. Աբելյանը շնորհավորեց աշակերտներին և շնորհակալություն հայտնեց ուսուցչուհի Լ. Վարաժյանին գեղեցիկ միջոցառման համար, նշելով, որ ազգային տոների, գեղեցիկ ժողովրդական սովորույթների իմացությունն ու կիրառումը մեր ազգի պահպանման հիմքն է...
Նկարները տես...>>>  Ամենքս մեր մեջ, միայն մեզ համար պահենք մեր Քրիստոսին. դա և´ մեզ օգուտ կլինի, և´ մեր հարազատներին ու շրջապատին…
Աստված բոլորիս պահապան: Նկարները տես...>>>  Ապրիլի 5-ին 8 -րդ բ դասարանում համակարգչային դասասենյակում աշխարհագրության ուսուցչուհի Կ.Թալալյանը կազմակերպել էր բաց դաս `《Ճապոնիան անցյալում և մեր օրերում》 թեմայով։ Դասը անցավ հրաշալի։ Աշակերտները հստակ ու հանգամանալից ներկայացրին Ճապոնիայի տնտեսությունը, մշակույթը, ավանդույթները։ Տիրում էր ճապոնական մթնոլորտ.աշակերտներից մի քանիսը ներկայացել էին ճապոնական տարազով։ Ճապոներեն խոսեցին ու պարեցին ճապոնական ազգային պար։ Դասը հագեցված էր դիդակտիկ պարագաներով, հրաշալի շնորհանդեսով։Դասին ունկնդիր էին տնօրեն Ա .Աբելյանը, փոխտնօրեններ Շ.Մկրտչյանն ու Գ.Կարապետյանը և ուսուցիչներ։ Տիկին Աբելյանը շնորհակալություն հայտնեց հագեցված գեղեցիկ, ուսանելի դասի համար։
Նկարները տես...>>>  Փոքրիկները նման են հայելու .արտացոլում են իրենց շրջապատող աշխարհը։ Մանկան անմիջականությամբ հնչեցրին շնորհավորանքներ`ուղղված մայրերին։ Սրտառուչ երգով լցրեցին մայրերի սրտերը `պարգևելով ժպիտ ու դրական հույզեր։
Կրկին շնորհավոր բոլոր մայրերի տոնը: նկարները տես...>>> |
RSS-канал
