 Խոսքի հմտություն, զգուշավորություն՝ դիմացինին չվիրավորելու, փոխարենը փառավորելու կարողություն: Մարդկային կարևորագույն վեհ հատկանիշներ, որոնք մենք կարճ ժամանակում բացահայտեցինք Ձեր հարուստ ներաշխարհում:
Մենք անկեղծորեն շնորհավորում ենք Ձեզ` Ձեր ծննդյան տոնի կապակցությամբ, ցանկանում ամենահրաշալին, ամենագեղեցիկը և ասում. --Բարի գալուստ, սիրելի տիկին Աբելյան, թող Ձեր հոգու ու սրտի արևը շարունակի ջերմացնել և ′ Ձեր, և′ մեր հոգիները:  Երեկ ՝ նոյեմբերի 23 ին Տիգրան Պետրոսյանի անվան շախմատի տանը,, Հույսի Կամուրջ ,, հասարակական կազմակերպությունը կազմակերպել էր ավանդույթ դարձած «Սպորտը` հանուն հավասար հնարավորությունների» շախմատային սեանսը գրոսմայստեր Լևոն Արոնյանի հետ: Գրոսմայստերի հետ խաղալու հնարավորություն ունեցան Երևանի ներառական կրթություն իրականացնող դպրոցների 7-15 տարեկան 22 աշակերտ: Երևանի հ. 100 հիմնական դպրոցի 4 աշակերտներ՝ Գոռ Ներկարարյանը, Էրիկ Ներկարարյանը, Ֆրիցիկ Պողոսյանը, Լևոն Հովհաննիսյանը շախմատի ուսուցչուհի ՝ Գոհար Հարությունյանի և Դպրոցի Սոցիալական մանկավարժ ՝ Լուսինե Բեջանյանի ուղեկցությամբ նախ և առաջ եղան դպրոցի տնօրեն Անուշ Աբելյանի մոտ, ով իր մաղթանքը հղեց երեխաներին և ոգևորելով նրանց ճանապարհեց դեպի շախմատի տուն: Իսկ արդեն շախմատի տանը երեխաներին ողջունեցին և հաճելի խաղ մաղթեցին Հույսի կամուրջ Հկ նախագահ Սուսաննա Թադևոսյանը և գրոսմայստեր Լևոն Արոնյանը: Այնուհետև մեծ ոգևորությամբ սկսեցին խաղալ Լևոն Արոնյանի հետ: Խաղն անցավ հանգիստ և ոգևորող: Վերջում երեխաներին Լևոն Արոնյանը նվիրեց իրենց համատեղ նկարները :
նկարները տես...>>> Հաշմանդամություն ունեցող անձանց իրավունքների պաշտպանության միամսյակ հ. 100 հիմնական դպրոցում11/19/2016  Ամեն տարի տարեվերջին՝ նոյեմբերի 15-ից մինչև դեկտեմբերի 15-ն ընկած ժամանակահատվածը հայտարարվում է հաշմանդամություն ունեցող անձանց իրավունքների պաշտպանության միամսյակ: Այս 30 օրվա ընթացքում իրականացվում են հաշմանդամության տարբեր կողմերի լուսաբանման, իրազեկման և հասարակական հետաքրքրության խնդրին հրավիրելու ամենատարբեր միջոցառումներ: Այս ավանդույթի շրջանակներում հերթական անգամ Երևանի հ 100 դպրոցում մի շարք միջոցառումներ են նախատեսվել, որոնց մեկնարկը տրվեց նոյեմբերի 17-ին: Նախ դպրոցի նորընտիր տնօրեն տիկին Ա.Աբելյանն իր ողջույնի խոսքը հղեց ներկաներին՝ հավաստելով ավանդույթների և դպրոցի բոլոր օղակների միջև արդյունավետ համագործակցության շարունակականության գաղափարը, ապա հանդիպմանը ներկա ծնողների և մանկավարժների ուշադրությանը ներկայացվեց Հայաստանի Հանրապետությունում հանրակրթության ոլորտում իրավական փոփոխությունների պատմական ակնարկը՝ սկսած 2001թ.-ին ներառական կրթության ներմուծման առաջին փորձերից մինչև 2014-ին հանրակրթության մասին օրենքում յուրաքանչյուր երեխայի՝ հավասար կրթություն ստանալու իրավունքի ամրագրմամբ: Այնուհետև անցում կատարվեց միջոցառման մշակութային կողմին՝ «Ավե Մարիա» 6-րդ դասարանի աշակերտուհի Անահիտի կատարմամբ, ժողովրդական պար Գրիգորյան Մերիի կողմից, և երեք հրաշալի կատարում 3-րդ դասարանցի Հրանտի մայրիկ, օպերայի երգչուհի Ռոզեթ Ուստախարյանի անկրկնելի ձայնով: Իսկ այս ամբողջ ընթացքում 6-րդ դասարանցի Լևոնի վրձինը կերտում էր հայկական հերթական սրբավայրի պատկերը: Հուզված, տպավորված և ոգևորված ամփոփեցինք առաջին հանդիպումը՝ նոր ակնկալիքներով սպասելով մյուս միջոցառումներին:
Նկարները տես...>>>  Նոյեմբերի 15-ին «Գրքի ընթերցանության շաբաթ»-ի շրջանակում Խնկո Ապոր անվան ազգային մանկական գրադարանի «Իրանական անկյուն»-ը հյուրընկալվեց Երևանի թիվ 100 հիմնական դպրոցում: Ներառական կրթություն իրականացնող հաստատության կրտսեր սաները, այդ թվում կրթության առանձնահատուկ պայմանների կարիք ունեցող 7 երեխա, ունկնդրեցին «Միամիտ արջը» պարսկական ժողովրդական հեքիաթը. հեքիաթն ընտրվել էր Իրանում Գրքի ընթերցանության օրվա կապակցությամբ:
Գրադարանի արտագնա միջոցառման նպատակն էր նպաստել մանուկների մերձեցմանը գրքին և ընթերցանությանը: Գրադարանի այցը և հեքիաթի բարձրաձայն ընթերցումը դրական արձագանք ունեցան աշակերտների և ուսուցիչների կողմից: Շնորհակալություն գրադարանին, 100 դպրոցի նորանշանակ, բայց հմտորեն գործին տիրապետող և գործունյա տնօրեն տիկ.Աբելյանին, փոխտնօրեններին, դասղեկներին և իհարկե հրաշամանուկներին ակտիվության համսր:  Երևանի քաղաքապետ Տարոն Մարգարյանի նախաձեռնությամբ նոյեմբերի 12-ին մայրաքաղաքում հայտարարված էր համաքաղաքային շաբաթօրյակ-ծառատունկ: Համաքաղաքային ծառատունկի ժամանակ մաքրվել է հ. 100 հիմնական դպրոցի տարածքը և միաժամանակ ծառատունկ կազմակերպվել տարածքում: Անվանական ծառեր կամ յուրաքանչյուր դասարան կունենա իր ծառն ու դպրոցում սովորելու տարիներին կհետևի, կխնամի և կաճեցնի իր դասարանին պատկանող ծառը: Սա իրականացվող ծառատունկի հիմնական գաղափարն էր: Յուրաքանչյուր դասարան իր դասղեկի հետ միասին դպրոցի բակում տնկեց մեկական ծառ այն խնամելու պայմանով: Նման գաղափարը դպրոցի տնօրեն Ա. Աբելյանինն էր: Ա. Աբելյանի խոսքով աշխատանքը ևս մեկ անգամ գեղեցկացրեց բոլոր մասնակիցներին:
նկարները տես...>>>  Այս դարում տեղեկատվության հոսքը մեր կյանք շատ մեծ է, որովհետև աշխարհում կան շատ խնդիրներ: Եվ լուծում, ճիշտ ճանապարհներ մարդիկ չեն գտնում: Գուցե շատերի մոտ հարց առաջանա, թե որքանով կապ ունի շախմատը մեր կյանքի հետ: Շախմատիստները հետաքրքիր ունակություններով տեր մարդիկ են, ովքեր կարողանում են ճիշտ գնահատել իրենց հետագա քայլերը: Շախմատը ոչ միայն մարզաձև է, այլև գիտություն, կյանքի գիտություն: Ես անչափ ուրախ եմ, և շնորհակալ երկրի Նախագահին, որ գնահատեց և կարևորեց շախմատի դերը երեխայի զարգացման հարցում և կատարվեց այդ մեծ քայլը՝ շախմատի մուտքը դպրոցներ: Նաև դրան նպաստեցին ՀՀ ԿԳ նախարարության աշխատանքները, հավելեց դպրոցի տնօրեն Ա. Աբելյանը:
08.11.2016թ. Հայաստանի շախմատի ակադեմիայում անցկացվեց դպրոցականների 11-րդ օլիմպիադան: Մրցմանը մասնակցեցին դպրոցի սաներ՝ 1. Խաչատրյան Դավիթ – 1ա դասարան 2. Մելիքյան Սերգեյ -7դասարան 3. Զարբաբյան Աոետիս – 5 դասարան 4. Գրիգորյան Աստղիկ – 4 ա դասարան նկարները տես...>>>  Համեղ ուտել սիրում են բոլորը: Համեղ պատրաստելը, սեղանը ճիշտ ձևավորելը նույնպես արվեստ է: Սառը խորտիկները, նախուտեստները մեր կերակուրների մի կարևոր մասն են կազմում: Եվ ահա այս գիտակցությամբ էլ մեր երեխաները պատրաստվել էին իրենց բաց դասին <<Խորտիկներ և նախուտեստներ>> թեմայով, որին ներկա էին դպրոցի տնօրենը, փոխտնօրենը և ուսուցիչները : Դպրոցի տնօրեն տ. Աբելյանը իր գոհունակությունը հայտնեց ու ասաց, որ աշակերտները բացի դպրոցական գիտելիքներից տիրապետում են նաև խոհանոցային գաղտնիքներին:
Նկարները տես...>>> |
RSS-канал
