Blog Archives - ԵՐԵՒԱՆԻ ԴԱՎԻԹ ՍԱՐԱՊՅԱՆԻ ԱՆՎԱՆ Հ. 100 ՀԻՄՆԱԿԱՆ

Շնորհավոր Ամանոր

12/31/2016

Սիրելի աշակերտներ, ծնողներ, մանկավարժներ, գործընկերներ և իհարկե հայրենակիցներ, Երևանի թիվ 100 հիմնական դպրոցի կոլեկտիվը` ի դեմս տնօրեն Անուշ Աբելյանի, շնորհավորում է բոլորիդ գալիք Ամանորի և Սուրբ ծննդյան տոների կապակցությամբ: Մաղթում ենք, որ 2017 թվականն առաջին հերթին խաղաղության տարի լինի Հայաստանի և ողջ աշխարհի համար, թող Աստված պահապան լինի մեր սահմանների անառիկությունը պահպանող քաջարի մարտիկներին: Մեր աշակերտներին մաղթում ենք նոր տարում լինել էլ ավելի աշխատասեր, խելամիտ, ստեղծագործ և հետաքրքրասեր: Մեր մանկավարժների համար թող 2017 թվականը լինի մասնագիտական աճի և ինքնակատարելագործման նոր մակարդակի ձեռքբերման ժամանակահատված: Իսկ մեր հարազատ դպրոցին մաղթում ենք շարունակել իր վերելքի անշեղ ուղին և լավագույնս կատարել պետության և հասարակության հանդեպ իր ստանձնած դժվարին առաքելությունը: Շնորհավոր Ամանոր և Սուրբ ծնունդ:

Նոր տարին Երևանում 2017

12/28/2016

Այսօր՝ դեկտեմբերի 28-ին` ժամը 14:00-ին, «Նոր տարին Երևանում 2017» ծրագրի շրջանակում ԱՋԱՓՆՅԱԿ ՎԱՐՉԱԿԱՆ ՇՐՋԱՆԻ Արմենիա բ/կ հարող զբոսայգում անցկացվեց «Ուրախ Ամանոր» մանկական զվարճալի ծրագիրը: Հ. 100 հիմնական դպրոցի 1 - 4 դասարանի սաները իրենց դասվարների հետ միասին մեծ ոգևորությամբ մասնակցեցին կազմակերպված միջոցառմանը: Շնորհակալություն կազմակերպիչներին:
նկարները տես...>>>

Ամանորյա խճանկար

12/25/2016

Դեկտեմբերի 23 - ին մեր դպրոցում տեղի ունեցավ <<Ամանորյա խճանկար>> խորագրով ցուցահանդես, որտեղ ցուցադրված էր կրթության առանձնահատուկ պայմանների կարիք ունեցող երեխաների ձեռքի աշխատանքները:
նկարները տես...>>>

Տոնական տրամադրություն 6 - ի բ դասարանում

12/22/2016

Այսօր տոնական տրամադրություն էր 6 - ի բ դասարանում: Գեղեցիկ միջոցառում էր կազմակերպվել դասղեկ Լ. Վարաժյանի կողմից <<Սուրբ ծննդյան խոհեր>> վերնագրով: Դասարանը զարդարված էր Սուրբ ծննդյան տեսարանով: Մարիամի և Հովսեփի դերակատարները հրեշտակների ուղեկցությամբ մանուկ Հիսուսին առաջնորդեցին դեպի իր սիրելի և տաքուկ անկողինը: Դասարանի աշակերտները դասղեկի հետ միասին խորհեցին սուրբ ծննդյան տոնի սովորույթների և խորհրդի մասին, հնչեցին մաղթանքներ և անկեղծ ու ջերմ շնորհավորանքներ: Վերջում իրենց հյուր եկած Ձմեռ պապիկի օգնությամբ պարկից հանեցին <<Խաղաղություն աշխարհին>> բառակապակցությունը, որն իրենց ցանկությունն էր գալիք տարում:
Խաղաղությունը, ի տարբերություն պատերազմի, ավելի բարձր ձայն ունի։ Արի ′ խաղաղություն, լցրու մարդկանց սրտերը սիրով ու խանդաղատանքով, բարության սերմեր ցանիր ամեն տեղ, հավելեց դպրոցի տնօրեն Ա. Աբելյանը:
նկարները տես...>>>

4 -ի բ դասարանի աշակերտները Աջափնյակ վարչական շրջանի կենտրոնական գրադարանում

12/22/2016

Դիմակահանդես

12/22/2016

Այսօր մեր դպրոցում 7 - 9 դասարանների աշակերտները մասնակցում էին դիմակահանդեսի, որը կազմակերպվել էր մասնագիտացված կրթական աջակցությունների գծով տնօրենի տեղակալ ընկ. Գ. Կարապետյանի և ԱԽ - ի կողմից: Դիմակահանդեսի ավարտին բոլոր մասնակիցները <<Երազանքների բարի փերի>> երգի տակ զույգեր կազմելով, յուրաքանչյուրը մտքում պահեց իր երազանքը, անպայման կատարվելու ակնկալիքով:
նկարները տես...>>>

Ուրախ դիմավորենք Ամանորը

12/22/2016

Դեկտեմբերի 21 - ին դպրոցի 1 - 3 դասարանի աշակերտները ցնծության մեջ էին: Նրանց հյուրընկալվել էին սիրված հերոսները, որոնք իրենց ուրախ ու աշխույժ խաղերով ուրախացրին բոլորին:
Յուրաքանչյուր դասարանի աշակերտների հանդերձանքները տարբեր էին. նրանք հանդես էին եկել սիրված մուլտֆիլմերի հերոսների կերպարներով, տարատեսակ դիմակներով: Բոլորն էլ յուրօրինակ էին, թե´ իրենց բեմական կեցվածքով, թե´ պատրաստած ելույթներով, թե´ ամանորյա բացիկներով: Մթնոլորտը շատ ուրախ էր, խաղերը զվարճացնող և հետաքրքիր: Իրենց ելույթներով, պատրաստած անակնկալներով մրցում էին
և´աշակերտները, և´դասղեկները:
-Թող բոլոր մանուկները լինեն ուրախ ու երջանիկ, թող նոր տարին բերի նոր ուրախություն. այս էր ուսուցիչների մաղթանքն իրենց սաներին: Իսկ վերջում աշակերտները միմյանց նվիրեցին ամանորյա բարեմաղթանքներով իրենց պատրաստած բացիկները:
նկարները տես...>>>

Մեր Հրաչը

12/21/2016

Պարգևատրվում է 2 ա դասարանի աշակերտ Դալլաքյան Հրաչը Երևանի բաց առաջնությանը (Կիոկուշին կառատե) մասնակցելու և պատվավոր 1 - ին տեղը զբաղեցնելու համար: Հրաչը խրախուսական մրցանակ ստացավ նաև տնօրեն Ա. Աբելյանի կողմից:

Ամանորյա տրամադրություն 4 - ի բ դասարանում

12/21/2016

Թող գալիք 2017թ. ուրախություն ու երջանկություն բերի Ձեզ և մեզ:
Համբերություն ու նորանոր եռանդ Ձեր աշխատանքում մեր սիրելի տնօրեն և սիրելի ուսուցիչներ:
Լինեք առողջ և լավատես:
4 բ դասարան
Նկարները տես...>>>

Ամանորին ընդառաջ

12/19/2016

Ամանորին ընդառաջ 100 դպրոցի աշակերտները ռեսուրսային դասասենյակներում հետաքրքիր և շատ կրեատիվ տոնածառներ են պատրաստել, իսկ սենյակները զարդարել իրենց ձեռքի յուրօրինակ աշխատանքներով: Այնպես որ մեր սենյակները ձեզ են սպասում իրենց բարձր տոնական տրամադրությամբ և արտասովոր ջերմությամբ: նկարները տես...>>>