Blog Archives - Երևանի հ. 100 հիմնական դպրոց

Ընթերցանության դաս

10/29/2016

3 ա դասարանում ինքնուրույն ընթերցանության դաս էր տարվա եղանակները թեմայով։ Աշակերտները ընթերցել էին տարբեր հեղինակների ստեղծագործություններ և´ արձակ և´ չափածո։ Նրանք գեղեցիկ ձևով ներկայացրեցին այն, յուրաքանչյուր խումբ յուրովի ներկայացավ, դասը համեմելով երգով ու պարով։ Դասն ավարտվեց խմբային աշխատանքով։ Ամեն ինչ շատ հետաքրքիր ու ուսանելի էր, իսկ երեխաների ուրախությունը անսահման։ Այդպիսի դասերն են, որ երեխաներին դարձնում են գիտակ և բարձրացնում են սերը դեպի ընթերցանություն, ինչն էլ բարձրացնում է ուսման որակը: նկարները տես...>>>

ԵՐԳԸ ԲԱՐԵԿԱՄՈւԹՅԱՆ ԿԱՄՈւՐՋ

10/28/2016

Այսօր 100 հիմնական դպրոցում «Երգը բարեկամության կամուրջ» խորագրով միջոցառում էր: Միջոցառմանը դպրոցի սաները ներկայացնում էին հայ եւ համաշխարհային եգի վարպետներին, նրանց ստեղծագործությունները: «Երգն ու երաժշտությունը լեզուն իմանալ չեն պարտադրում, երաժշտությունը լեզու չունի, այն հասանելի է բոլորին»,- մեկնաբանում էին միջոցառման մասնակիցները: Միջոցառման նպատակն էր հայ դպրոցականին հաղորդակից դարձնել ռուս ժողովրդի մշակութային և հոգևոր արժեքներին:
Դպրոցի տնօրեն Ա. Աբելյանը բարձր գնահատեց միջոցառման նման կազմակերպվածությունն ու աշակերտների ռուսաց լեզվով հաղորդակցումը: Բարեկամության կամուրջ դարձած երգը, հիրավի, հաճելի պահեր պարգևեց մեզ, իսկ կատարողների շուրթերից հնչող ռուսերենը ոչ միայն ճիշտ էր արտաբերվում, այլև գրագետ էր ու ականջ շոյող, հավելեց նա: նկարները տես...>>>

Թարմանչաց տոն

10/28/2016

8 ա դասարանում կազմակերպվեց բաց դաս` նվիրված Թարմանչաց տոնին։ Դասն սկսվեց Տերունական աղոթքով։ Այնուհետև Սուրբ Մաշտոցի կերպարով աշակերտը ներկայացրեց գրերի ստեղծման պատմական նշանակությունը։ Խոսվեց տոնի խորհուրդի մասին, հիշատակվեցին սրբացված թարգմանիչների անուններն ու գործերը։ Էլեկտրոնային գրատախտակին ցուցադրվեցին սրբացված թարգմանիչների պատկերները, ինչպես նաև հայոց այբուբենը։ Դասին ներկա էր տնօրեն տիկին Աբելյանը, փոխտնօրեն տիկին Մկրտչյանը։ Տնօրենը գովեստի խոսքեր ասաց, նշեց, որ շատ ուրախ է, որ աշակերտները ունեն գիտելիքներ հայ գրերի, Մաշտոցի և մյուս սրբերի վերաբերյալ։

Արև - 20

10/25/2016

Արև_20.docx
File Size:	2114 kb
File Type:	docx

Շնորհավոր ծնունդդ, արև´ի մարդ:

10/18/2016

Կա´նգ առ , ակնթարթ, թող որ այս հրաշագեղ պահը հարատևի, և որ արևի շողերը շարունակեն ջերմացնել մեր հոգիները և բխեն մեր սրտառուչ խոսքերը:
-Շնորհավոր ծնունդդ, լուսատու մարդ: Թո´ղ հանգչեն բոլոր լույսերը, քանզի քո լույսը , քո տված լույսի շողերը շատ ու շա՜տ հեռուներ են սփռվում և լուսավորում բազում հոգիներ:Աշխարհում միշտ բաց են եղել դռներդ կրնկի վրա: Բաշխել ես ամեն ինչ, ինչ որ ունեցել ես, բաշխել ես բուռ – բուռ, երբեմն հատիկ – հատիկ, բաշխել ես կրակ ու կորով, ժպիտներ, ուժ, ժամանակ և մնացել ես արի ու բարի, վեհ ու վսեմ, մեզ համար հար ու հավետ կենսատու ճառագայթ:
Շնորհավոր ծնունդդ, արև´ի մարդ:

Շախմատի ներդպրոցական օլիմպիադա հ. 100 հիմնական դպրոցում

10/13/2016

Այսօր հ. 100 հիմնական դպրոցում տեղի ունեցավ շախմատի ներդպրոցական օլիմպիադան, որին մասնակցում էին 2 -ից 8 -րդ դասարանի աշակերտները:
նկարները տես...>>>

Շքերթ հ. 100 հիմնական դպրոցում

10/7/2016

Ասում են՝ դու երկար տարիների կյանք ունես: Մենք քայլում ենք քո փողոցներով ու հասկանում, որ տարիների էջերում քո թողած պատմությունն է, իսկ դու, դու նոր ես, գեղեցիկ, երիտասարդ: Մեր Երևան....Տոնդ շնորհավոր...Դպրոցում այսօր տոնական շքերթ էր, նվիրված Երևանին:
նկարները տես...>>>

Ուսուցչի օրը մեր՝ հ. 100 հիմնական դպրոցում

10/6/2016

Ուսուցիչ լինելը մեծ կոչում է, առավել ևս, եթե ուսուցիչը ոչ թե պարզապես մատուցում է ճշմարտությունը, այլ իր սաներին սովորեցնում է գտնել այն:
Սիրելի՛ ուսուցիչներ, հայորդիների դաստիրակության հայրենանվեր ու անձնուրաց գործի անդու՛լ մշակներ, շնորհավորում ենք Ձեզ ամենատարողունակ և ամենամարդկային մասնագիտական օրվա՝ Ուսուցչի օրվա առիթով:
Դուք, որ լուռումունջ, ի գին ամեն զրկանքի, ձեր ուսերին եք կրում մեր ժողովրդի ամբողջականության, ազգային արժեքների լիարժեք պահպանման, մեր ժողովրդի անպարտելիության ու կեցության գաղտնախորհուրդ հավատքի սերնդեսերունդ ներարկումը, դուք, որ քաջ գիտակցում եք այսօր դպրոցի առջև դրված բավականին լուրջ գործի կարևորությունը, արժանի եք այս վեհ կոչմանը:
նկարները տես ...>>>

Բնակարանամուտ 6 - րդ բ դասարանում

10/6/2016

6- րդ բ դասարանում այսօր տոնում էին իրենց նոր վերանորոգված դասարանի <<բնակարանամուտը>>:
Բնակարան, որի շեմից մտնելիս ականատեսը եղանք նույն դասարանի աշակերտների ստեղծագործություններով պատված նկարների պաստառին, որում արտացոլված էր հայկական եկեղեցիներ, հայկական բնաշխարհ, տիրում էր միայն ազգային, հայկական ավանդական մթնոլորտ: Հայկական երաժշտությամբ, ազգային երգ ու պարով և օջախի մասին դաստիարակչական բանաստեղծությամբ, ազգային գաթայով, աղ ու հացով աշակերտները փաստեցին մեկ բան, որ պահելով և պահպանելով մեր հայկական ավանդական, կենցաղային ազգային արժեքները՝ մենք ձևավորում ենք կայուն ազգային արժեհամակարգ: Դասղեկ ՝ Լ. Վարաժյան

Դասղեկի ժամ 4 - ի ա դասարանում

10/3/2016

Ուսուցչի տոնի կապակցությամբ հրաշալի միջոցառում էր կամակերպել 4 - ի ա դասարանի դասղեկ Ն. Զոհրաբյանը: Բացման խոսքով հանդես եկավ դասղեկը: Աշակերտների համար անակնկալ էր այն , որ ընկեր Զոհրաբյանը ևս եղել է տնօրեն Ա. Օհանյանի լավագույն աշակերտուհին: Աշակերտները, իրենց պատրաստած ծաղիկները ձեռքերին, հետաքրքիր աֆորիզմներ, գեղեցիկ խոսքեր և մաղթանքներ էին ընտրել ուսուցչի գործունեության վերաբերյալ: Տիկին Օհանյանը հարցով դիմեց աշակերտներին, թե ով է ցանկանում դառնալ դպրոցի տնօրեն: Ի պատասխան աշակերտների մեծ մասը ձեռք բարձրացրեց...
Աշակերտների այս քայլը հուզեց տիկին Օհանյանին, պարզվում է տնօրեն լինելու լավ օրինակը աշակերտները ունեին...
Միջոցառումը բովանդակալից էր, ուսուցանող և գեղեցիկ զգացմունքներ արթնացնող: Գնահատել և գնահատվել...կարևորությունը դրսևորվեց:
Նկարները տես...>>>