Լույս է տեսել 2013 - 2014թթ. ուստարվա Արև թերթի 3 - րդ համարը
| tert_-arev_3_nor_nor_2013-2014.docx |
|
0 Comments
 Այս տարի Հայ առաքելական եկեղեցին Հիսուս Քրիստոսի «հրաշափառ» հարության տոնը նշում է ապրիլի 20 - ին: Սուրբ Հարության տոնը կոչվում է նաև Սուրբ Զատիկ, որը նշանակում է զատում, բաժանում, հեռացում մեղքերից եւ վերադարձ առ Աստված: Զատիկը թե՛ Հին, թե՛ Նոր կտակարաններում համարվում է մեծագույն տոներից մեկը: Զատիկը շարժական տոն է, Հայ առաքելական եկեղեցին այն նշում է գարնան գիշերահավասարին հաջորդող լուսնի լրման առաջին կիրակի օրը, որն ընկնում է մարտի 22-ից հետո մինչև ապրիլի 26-ը (35 օր) ընկած ժամանակահատվածը: Զատկին նախորդում է Ավագ շաբաթը: Տոնի հետ առնչվող գլխավոր արարողությունները սկսվում են Ավագ շաբաթվա շաբաթ օրը և ավարտվում երկուշաբթի: Շաբաթ երեկոյան մատուցվում է Քրիստոսի հարության ճրագալույցի կամ ճրագալույսի պատարագ, որով վերջանում է Զատկին նախորդած յոթ շաբաթ տևած Մեծ Պասի շրջանը: Պատարագի ավարտին հավատացյալները միմյանց ողջունում են «Քրիստոս հարյավ ի մեռելոց» ավետիսով և ստանում «Օրհնյալ է հարությունը Քրիստոսի» պատասխանը: Շաբաթ և կիրակի օրերին եկեղեցիներում մատուցվում է պատարագ և տեղի ունենում ժամերգություն: Սուրբ Զատիկի տոնը գալիս է դեռևս նախաքրիստոնեական ավանդույթից, բայց այն ժամանակի ընթացքում փոփոխությունների է ենթարկվել: Զատիկի խորհուրդը պահպանվել է մին օրս, այն խորհրդանշում է գարնան զարթոնքը, կյանքի սկիզբը, վերածնունդը, հարությունը:
նկարները տես...>>>  Չի կարելի օգնել այն ընկածին, եթե նրան պակասում է ինքնօգնությամբ ոտքի կանգնելու կամքը:
Գ.ՆԺԴԵՀ Իսկական անունը՝ Գարեգին Տեր-Հարությունյան Եղիշեի Ապրել ու գործել միայն այն բանի համար, որի համար արժե մեռնել, և մեռնել միայն այն բանի համար, որի համար արժեր ապրել: 9- րդ դասարանի աշակերտները Գ. Ասատրյանի հետ միասին ներկայացրեցին Գարեգին Նժդեհի կյանքն ու սխրագործությունները: նկարները տես...>>>  Երևանի քաղաքապետարանի կողմից ապրիլի 12-ին մայրաքաղաքում հայտարարված համաքաղաքային շաբաթօրյակ-ծառատունկը մեկնարկել է:
նկարները տես...>>>  Այսօր ապրիլի 7-ն է: Մայրության ու գեղեցկության տոնը: Ինչպես ժողովուրդն է ասում, մարտի 8-ից սկսվում և այդ օրն ավարտվում է կանանց տոնի մեկամսյակը: Շնորհավորելով մեր բոլոր մայրերին ու կանանց, քույրերին ու դուստրերին, մաղթենք, որ ամբողջ տարին առիթ ունենանք սքանչանալու նրանց գորովով ու սիրով, նրանց հմայքով ու գեղեցկությամբ, բայց և հարկ եղած դեպքում` նրանց ցուցաբերած կամքով ու կորովով: Սիրելիներս, մեր հայ ժողովուրդ, թող որ 2014 թվականին ՀԱՋՈՂՈՒԹՅՈՒՆԸ լինի մեզ առաջնորդողը, թող ժամանակների ու տարածության բոլոր հատումներից ճառագի ԼՈՒՅՍԸ, թող…Պարզապես, մի քիչ գոնե, սիրենք միմյանց…
Թող աշխարհում ոչ մի մայր արցունք չթափի նշեց տնօրեն Ա. Օհանյանը: նկարները տես...>>>  Այս տարի Հովհ. Թումանյանի 145-ամյակի միջոցառումների շրջանակներում Երևանի հանրակրթական դպրոցների 8-12-րդ դասարանների աշակերտներին առաջարկվել էր մասնակցել գիտական ընթերցումների,տարիքային երկու խմբերով, հետևյալ թեմաներով .
ա/ «Բազմանդամ ընտանիքի հայր Հովհաննես Թումանյանի կերպարը»։ բ/ «Հովհաննես Թումանյանի զավակները» /տասը զավակների մասին մեկ աշխատանքով կամ նրանցից մեկի մասին՝ աշակերտի ընտրությամբ/։ գ/ «Իմ Թումանյանը» /աշակերտի խոհերը մեծ լոռեցու ստեղծագործության մասին/։ Գիտական ընթերցումներին մասնակցել են քաղաքի 40-ից ավել դպրոցներ։ Մշակված կարգի համաձայն խրախուսանքի են արժանացել 10 ընթերցում , իսկ 6 ընթերցում արժանացել է մրցանակների՝ I, II, III ։ Անին արժանացավ խրախուսանքի Երևանի քաղաքապետարանի աշխատակազմի հանրակրթության վարչության կողմից: Անիին պարգևատրեց հանրակրթության վարչության պետ Գայանե Սողոմոնյանը:  Համո Սահյան (Հմայակ Սահակի Գրիգորյան) (Ապրիլի 14, 1914, գյուղ Լոր - Հուլիսի 17, 1993, Երևան), հայ բանաստեղծ։
Ծնվել է Սյունիքի մարզի Սիսիանի տարածաշրջանի Լոր գյուղում։ 1927-ին տեղափոխվել է Բաքու, որտեղ ստացել է միջնակարգ կրթությունը։ 1935-ին ընդունվել և 1939-ին ավարտել է Բաքվի մանկավարժական ինստիտուտը։ 1939-41-ին՝ աշխատել է Բաքվի «Խորհրդային գրող» ամսագրում, որպես գրական աշխատող։ 1941-45-ի Հայրենական մեծ պատերազմի ժամանակ ծառայել է ռազմա-ծովային նավատորմում։ 1945-51-ին աշխատել է Բաքվի «Կոմունիստ» (հայերեն) թերթի խմբագրությունում որպես գրական աշխատող, 1951-54-ին՝ Երևանի «Ավանգարդ» թերթում որպես բաժնի վարիչ, 1954-55-ին՝ «Ոզնի» ամսագրում որպես բաժնի վարիչ։ 1965-67-ին եղել է «Գրական թերթի» գլխավոր խմբագիրը։ Մահացել է 1993 թ.-ին, Երևանում։ Դպրոցի աշակերտները ընկ. Կարապետյանի հետ միասին նշեցին Համո Սահյանի ծննդյան 100 ամյակը: նկարները տես...>>>  2008 թ.- ին ՄԱԿ - ի գլխավոր ասամբլեան ապրիլի 2 - ը միաձայն հռչակել է Աուտիզմի իրազեկման համաշխարհային օր: Օրվա առաքելությունն է շեշտադրել աուտիզմով մեծահասակների և երեխաների կյանքը բարելավելու անհրաժեշտությունը՝ օգնելով նրանց վարել լիարժեք և բովանդակալից կյանք: 2012 թ. - ի ապրիլի 2 - ին ՀՀ Առաջին տիկին Ռիտա Սարգսյանի ջանքերով հիմնվեց <<Աուտիզմի ազգային հիմնադրամը>>, ով նաև ստանձնեց հոգաբարձուների խորհրդի նախագահությունը: Աուիտիզմի իրազեկման համաշխարհային օրվա առթիվ ինչպես ամբողջ աշխարհում, այնպես էլ Հայաստանում, ամեն տարի կազմակերպվում են իրազեկման տարատեսակ միջոցառումներ: Երևանի քաղաքապետարանի հարակից տարածքից սկսվեց քայլարշավ` մինչև Ազատության հրապարակ, իսկ գիշերը Ալ. Սպենդիարյանի անվան օպերայի և բալետի ազգային ակադեմիական թատրոնի շենքը կլուսավորվի կապույտ լույսով:
Մեր դպրոցը մեծ սիրով մասնակցեց այդ քայլարշավին: նկարները տես...>>>
ՀՀ - ում Ամերիկայի միացյալ նահանգների դեսպանատան հասարակայնության հետ կապերի բաժնի տնօրենը շնորհակալություն հայտնեց դպրոցի տնօրեն Ա. Օհանյանին Քենդըս Քեյբլի հետ հանդիպումը կազմակերպելու համար, ասելով, որ մեծագույն հաճույք էր նման տնօրենի հետ աշխատելը:
 Սույն թվականի մարտի 25-ին, Երևանի 100 հիմնական դպրոցի պարսկերեն ուսումնասիրող աշակերտներն, ուսուցչուհու՝ Մարիամ Պողոսյանի ուղեկցությամբ, հյուրընկալվեցին Երևանի Խնկո-Ապոր անվան ազգային մանկական գրադարանի իրանական սրահում: Առիթը Նոռուզն էր՝ իրանական Ամանորը: Հանդիպումը ՀՀ-ում ԻԻՀ մշակույթի նորանշանակ խորհրդական Մաջիդ Մեշքիի և այլ իրանցի հյուրերի հետ էր: Աշակերտները ջերմ իրանական սրահում, Հաֆթ սինի սեղանի շուրջ Իրանի ազգային օրհներգով ազդարարեցին միջոցառման բացումը և վարժ ու սահուն պարսկերենով ներկայացրեցին Նոռուզը, որն, ի դեպ, պաշտոնապես գրանցվել է ՅՈՒՆԵՍԿՕ-ի մարդկության ոչ-նյութական մշակութային ժառանգության ցուցակում: Նոռուզը («նո»՝ «նոր» և «ռուզ»՝ «օր» բառերից, հին պարսկերենով՝ «Նոր լույս») նշվում է գարնան առաջին օրը և իրանական օրացույցի տարվա սկիզբն է համարվում։ Այն տոնվում է աստղագիտական գարնանային գիշերահավասարի օրն (արևը անցնում է երկնային հասարակածը և հավասարեցնում է գիշերը և ցերեկը), ինչը, սովորաբար, տեղի է ունենում մարտի 21-ին։ Պատրաստում են ավանդական Հաֆթ սինի սեղան: Հաֆթ պարսկերեն նշանակում է յոթ, իսկ սինը պարսկական այբուբենի 15-րդ տառն է, հայերեն սե տառի համարժեքը։ Այս սփռոցի վրա պետք է շարված լինեն ս տառով սկսվող յոթ իր՝ չքաղված նորածիլ կանաչի՝ ափսեում (սաբզե), ածիկ (սամանու), փշատ (սենջեդ), սխտոր (սիռ), խնձոր (սիբ), աղտոր կամ սումախ (սոմաղ), և քացախ (սեռքե): Նաև ավանդական է սփռոցին դնել այլ իրեր, ինչպիսիք են հայելի, կենդանի ոսկե ձկնիկներ ջրի մեջ, ներկած հավկիթներ, մետաղադրամներ և Ղուրան: Միջոցառման ավարտին գրադարանն աշակերտներին՝ Նոռուզի միջոցարմանն մասնակցելու և ուսուցչուհուն՝ իրանական ընթերցասրահի հետ ակտիվ համագործակցելու համար շնորհակալագրեր տվեց, որը դպրոց վերադառնալուց հետո հանձնեց դպրոցի տնօրեն Արեգա Օհանյանը: Տիկին Օհանյան մասնավորապես նշեց. «Մարդկային հարաբերությունների ձևավորման համար շատ կարևոր է հարևան պետության ժողովրդի պատմությանը, մշակույթին, ավանդություններին ծանոթ լինելը: Իմ կարծիքով մենք ճիշտ ուղու վրա ենք, որովհետև այսօր դուք պարսկերեն լեզվով շատ գեղեցիկ եք ներկայացրել Նոռուզի տոնը, որի համար արժանացել եք շնորհակալագրերի»:
նկարները տես...>>> |
AuthorWrite something about yourself. No need to be fancy, just an overview. Archives
July 2014
Categories |
RSS Feed
